News Summary
Generated by OK AI. Editorially reviewed.- गुल्मीमा २९ वर्षदेखि फरार नकवजनी चोरी मुद्दाका प्रतिवादी फर्स बहादुर कुमाल पक्राउ परे।
- प्रहरीले उनलाई असार २१ गते रुपन्देहीको तिलोत्तमाबाट पक्राउ गरी कारागार चलान गरेको बताए।
- उनीविरुद्ध २०५३ सालको फैसला अनुसार कैद र जरिवाना तोकिएको थियो।
२३ असार, गुल्मी। गुल्मीमा २९ वर्षदेखि फरार रहेका नकवजनी चोरी मुद्दाका प्रतिवादी फर्स बहादुर कुमाल अन्ततः पक्राउ परेका छन्।
ईश्मा गाउँपालिका–५, गुल्मीका कुमाललाई प्रहरीले असार २१ गते रुपन्देहीको तिलोत्तमा नगरपालिका–२ बाट पक्राउ गरेको जिल्ला प्रहरी कार्यालय गुल्मीका प्रहरी नायब उपरीक्षक ( डिएसपी ) गंगाबहादुर सारुले बताए ।
कुमालविरुद्ध २०५३ साल असार ३ गते गुल्मी जिल्ला अदालतले १ महिना १५ दिन कैद र रु ३,८१७ जरिवानाको फैसला सुनाएको थियो। तर फैसला पछि उनी फरार रहँदै आएको प्रहरीले जनाएको छ ।
पक्राउ परेपछि गुल्मी जिल्ला अदालतको २०८२ असार २३ गतेको पत्रअनुसार उनलाई कारागार कार्यालय तम्घास, गुल्मीमा चलान गरिएको छ।
प्रहरीका अनुसार लामो समयसम्म फरार रहेका प्रतिवादीलाई निगरानी र सुराकीको आधारमा पक्राउ गरिएको डिएसपी सारुले बताए ।
कानुनबाट भागेकाहरूलाई कुनै न कुनै दिन कानुनी दायरामा ल्याइने सन्देशसहित प्रहरीले यो सफलताका रूपमा लिएको छ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4