२३ असार, काठमाडौं । वाणिज्य, आपूर्ति तथा उपभोक्ता संरक्षण विभागले शक्तिदेवी इन्टरनेसनल प्रालिलाई करिब ३ लाख रुपैयाँ जरिबाना तिराएको छ ।
विभागको अनुगमन टोलीले सोमबार काठमाडौं महानगरपालिका-९ मा रहेको उक्त कम्पनीलाई २ लाख ९० हजार रुपैयाँ जरिबाना तिराएको हो ।
अनुगमन क्रममा शक्तिदेवी इन्टरनेसनलले आफ्ना उत्पादनमा एमआरपी नराखेको, रिलेबलिङ गरेको, गुणस्तर, परिमाण, मूल्य र नापतौल हेरफेर गरेको पाइएपछि उपभोक्ता संरक्षण ऐन २०७५ को दफा ३८ (ङ) को कसुर र सोही ऐनको दफा ३९ को १ (ख) बमोजिम कारबाही गरिएको विभागले जानकारी दिएको छ ।
विभागले सोमबार ५ उद्योग तथा फर्म अनुगमन गरेको थियो । पछिल्लो समय विभागले बजार पारदर्शी बनाउन र उपभोक्तालाई ठगिनबाट जोगाउन एमआरपी सहितको लेबलले महत्त्वपूर्ण भूमिका खेल्ने भन्दै बजार अनुगमन तीव्र बनाएको छ ।
अनुगमनमा विभागले दैनिक रूपमा एमआरपी लेबल नलगाउने र आफ्ना उत्पादनमा रिलेबलिङ गर्ने, गुणस्तर, परिमाण, मूल्य र नापतौल हेरफेर गर्ने उद्योगी-व्यवसायीलाई २ लाखदेखि ३ लाख रुपैयाँसम्म जरिबाना तिराउँदै आएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4