२०८२ असार ३० गते २१:१३ 
News Summary
Generated by OK AI. Editorially reviewed.- तेक्वान्दोकी अन्तर्राष्ट्रिय निर्णायक काजल श्रेष्ठ वर्ल्ड तेक्वान्दो हान्मादाङमा सहभागी हुन अमेरिका जान लागेकी छन्।
- काजलले ग्योरोगी र पुम्सेमा निर्णायकको भूमिका निर्वाह गर्नेछिन्।
- २०२५ मा काजल श्रेष्ठ उत्कृष्ट निर्णायक घोषित भएकी थिइन्।
३० असार, काठमाडौं । तेक्वान्दोकी अन्तर्राष्ट्रिय निर्णायक काजल श्रेष्ठ मंगलबार अमेरिकाको क्यालिफोर्निया जाने भएकी छन् ।
जुलाइ १७ देखि १९ तारिखसम्म हुने वर्ल्ड तेक्वान्दो हान्मादाङमा निर्णायकका रूपमा सहभागी हुन काजल अमेरिका जान लागेकी हुन् ।
नेपालमा भएको १३ औं दक्षिण एसियाली खेलकुदकी स्वर्ण विजेता काजलले प्रतियोगितामा ग्योरोगी र पुम्सेमा निर्णायकको भूमिका निर्वाह गर्ने छिन् ।
काजलले यसअघि अस्ट्रेलियन ओपन तथा जापानमा २०२४ र २०२५ मा भएको वाटा ओपन तेक्वान्दो प्रतियोगितामा निर्णायकको भूमिका निर्वाह गरेकी थिइन् ।
यसै वर्ष २०२५ को वाटा ओपनमा काजल उत्कृष्ट निर्णायक पनि घोषित भएकी थिइन् ।
प्रतिक्रिया 4