३० असार, काठमाडौं । कैलालीको कृष्णनगर नगरपालिका–१ की १८ वर्षीया कमला साउदको छाउगोठमै मृत्यु भएकोमा नेपाल मानव अधिकार संगठनले ध्यानाकर्षण भएको जनाएको छ ।
सोमबार एक विज्ञप्ति जारी गर्दै संगठनले छाउपडी प्रथाको कारण महिलाहरुको मृत्यु हुनु गम्भीर मानवीय संकट भएको उल्लेख गरेको छ ।
२६ असार राति छाउपडीमा बसेकी कमलाको करेन्ट लागेर मृत्यु भएको थियो ।
यस्ता प्रथा महिलामाथिको विभेद, मानव अधिकारको उल्लंघन र राज्यद्वारा सुनिश्चित गरिएका मौलिक हकहरूको गम्भीर अपमान भएको संगठनको ठहर छ ।
‘छाउपडी अपमानजनक, अमानवीय र दु:खदायी अभ्यास हो,’ विज्ञप्तिमा उल्लेख छ ।
संगठनले कमलाको मृत्युप्रति दु:ख व्यक्त गर्दै छाउपडी प्रथा अन्त्य गर्न र परम्परा र संस्कारका नाममा प्रथा मान्न बाध्यपार्नेहरुविरुद्ध कारबाही गर्न सरकारसँग माग गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
भर्खरै
पुराना
लोकप्रिय
Hot Properties
.jpg "House on sale")
ट्रेन्डिङ
Advertisment
प्रतिक्रिया 4