७ साउन, काठमाडौं । नेपाली कांग्रेसमा तेस्रो उमेर समूहका नेताहरु एकत्रित गराउने उद्देश्य सहित सात केन्द्रीय सदस्यले छलफल गरेका छन् । बुधबार सात केन्द्रीय सदस्यहरु छलफलमा जुटेका हुन् ।
केन्द्रीय सदस्यहरु नैनसिंह महर, जीतजंग बस्नेत, राजीव ढुङ्गाना, कुन्दनराज काफ्ले, नानु बाँस्तोला, उर्मिला थपलिया र माया राईले बुधबार छलफल गरेका हुन् । आजको बैठकको पहल बागमती प्रदेशका मन्त्री समेत रहेका कुन्दनराज काफ्ले र राजीव ढुङ्गानाले गरेका थिए ।
पार्टीले गरेका निर्णयहरु कार्यान्वयनमा दबाब दिने उद्देश्य सहित सात केन्द्रीय सदस्यले छलफल भएको नेविसंघका पूर्व अध्यक्ष समेत रहेका राजीव ढुङ्गानाले जानकारी गराए । ‘पार्टीले गरेका निर्णय कार्यान्वयन गर्न दबाबपर्छ भनेर युवा पुस्ताका केन्द्रीय सदस्यको आज पहिलो बैठक गरेका हौं,’ ढुङ्गानाले भने,‘यो क्रम बढ्दै जान्छ । र, अरु साथीहरु पनि जोडिनु हुन्छ ।’
यो उमेर समूहका नेताहरुको छलफल निरन्तर हुने अर्का नेता काफ्लेले जानकारी गराए । युवा पुस्ताका नेताहरुले साझा मुद्धा बनाएर हातेमालो गर्ने अभिप्रायले छलफल सुरु भएको काफ्लेले जानकारी गराए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4