News Summary
Generated by OK AI. Editorially reviewed.- नेपाल उद्योग परिसंघ र पूर्वप्रधानमन्त्री शेरबहादुर देउवाबीच नवनिर्वाचित पदाधिकारीसँग छलफल भएको छ।
- भेटमा देउवाले कांग्रेसले निजी क्षेत्रको विकासमा जोड दिँदै आएको र खुला बजार अर्थतन्त्रको पक्षपोषक भएको बताए।
- परिसंघले आगामी एक दशकमा अर्थतन्त्रको आकार १ खर्ब अमेरिकी डलर बराबरको हुने र दोहोरो अंकको आर्थिक वृद्धि गर्ने लक्ष्य लिएको छ।
७ साउन, काठमाडौं । नेपाल उद्योग परिसंघ र पूर्वप्रधानमन्त्री एवं नेपाली कांग्रेस सभापति शेरबहादुर देउवाबीच छलफल भएको छ ।
परिसंघ नवनिर्वाचित अध्यक्ष वीरेन्द्रराज पाण्डे नेतृत्वको पदाधिकारीसँगको छलफलमा पूर्वप्रधानमन्त्री देउवाले निर्वाचित कार्यसमितिलाई बधाइ दिँदै सफल कार्यकालको शुभकामना दिए ।
उक्त अवसरमा उनले खुला बजार अर्थतन्त्रको पक्षपोषक कांग्रेसले निजी क्षेत्रको विकासका लागि जोड दिँदै आएको बताए ।
परिसंघका नवनिर्वाचित अध्यक्ष पाण्डेले आगामी एक दशकमा मुलुकको अर्थतन्त्रको आकार १ खर्ब अमेरिकी डलर र दोहोरो अंकको आर्थिक वृद्धि गराउने लक्ष्य परिसंघले लिएको बताए ।
यो लक्ष्य हासिल गर्न ८ क्षेत्रलाई केन्द्रमा राख्नुपर्ने प्रारम्भिक अध्ययनले देखाएको र बृहत अध्ययन सुरु गरेको जानकारी गराए ।
परिसंघले यो उपलब्धि हासिल गर्न कुन क्षेत्रमा कति लगानी आवश्यक रहेको र कानुनी एवं नीतिगत सुधार कस्तो हुनुपर्ने स्पष्ट रूपमा सुझाव तयार पार्ने बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4