२०८२ साउन ९ गते ७:३७ 
News Summary
Generated by OK AI. Editorially reviewed.- मलेसियाका स्टार ब्याटर विरानदीप सिंहले टी-२० अन्तर्राष्ट्रिय क्रिकेटमा ३ हजार रन पूरा गर्दै कीर्तिमान बनाएका छन्।
- उनी ३००० रन पूरा गर्ने पहिलो एसोसियट खेलाडी हुन्।
- विरानदीपले २०१९ मा टी–२०आई डेब्यू गरेका थिए।
९ साउन, काठमाडौं । मलेसियाका स्टार ब्याटर विरानदीप सिंहले टी-२० अन्तर्राष्ट्रिय क्रिकेटमा ३ हजार रन पूरा गर्दै कीर्तिमान बनाएका छन् । उनी ३००० रन पूरा गर्ने पहिलो एसोसियट खेलाडी हुन् ।
२६ वर्षीय विरानदीपले यो कीर्तिमान बनाउन ९८ इनिङ मात्र समय लिएका छन्, जसले उनलाई अष्ट्रेलियाका एरोन फिन्चसँगै संयुक्त रूपमा चौथो छिटो ३ हजार रन पुरा गर्ने ब्याटर बनाएको छ।
२०१९ मा टी–२०आई डेब्यू गरेका विरानदीपले हालसम्म १०१ खेलमा ३,०१३ रन बनाइसकेका छन्, जसमा १ शतक र २१ अर्धशतक समावेश छन्।
उनले यो उपलब्धि टी–२०आई क्रिकेट इतिहासमा दोस्रो सबैभन्दा छोटो समयमा (वर्षको हिसाबमा) ३ हजार रन पुरा गर्ने कीर्तिमानका साथ हासिल गरेका हुन्।
डेब्यू गरेको खेलबाट सबैभन्दा छिटो यो कोशेढुंगा बनाउने उनी दोस्रो खेलाडी बनेका हुन् । बाबर आजमले ६ वर्ष २३ दिनमा ३००० रन पूरा गरेका छन् भने विरानदीप ६ वर्ष ३० दिन लगाए । यद्यपी आधिकारिक रूपमा इनिङकै हिसाबमा यो कीर्तिमानको हिसाब राखिन्छ ।
टी-२०आई क्रिकेटमा सर्वाधिक रन बनाउने खेलाडीको सूचीमा उनी हाल १०औं स्थानमा छन् । सन्यास लिइसकेका भारतीय ब्याटर रोहित शर्मा १५१ इनिङमा ४२३१ रनका साथ शीर्षमा छन् ।
विरानदीप एसोसियटका उत्कृष्ट टी-२० ब्याटरमध्ये एक हुन् । मलेसियाले उल्लेखनीय उपलब्धि हासिल गर्न बाँकी भएपनि व्यक्तिगत रूपमा विरानदीप भने स्टार खेलाडीका रूपमा चिनिएका छन् ।
प्रतिक्रिया 4