९ साउन, काठमाडौं । प्रमुख प्रतिपक्षी दल नेकपा माओवादी केन्द्रले अख्तियार दुरुपयोग अनुसन्धान आयोगका प्रमुखमाथि नैतिक प्रश्न उठेको भनेर सरकारको ध्यानाकर्षण गरेको छ ।
शुक्रबार प्रतिनिधि सभाको बैठकमा आकस्मिक समय लिएर पार्टीका तर्फबाट बोल्दै माओवादी केन्द्रका सांसद पूर्णबहादुर घर्ती मगरले अदालतले नैतिक प्रश्न उठाइसकेपछि पदमा बसिरहनु पनि उचित नरहेको बताए ।
‘अख्तियार प्रमुखमाथि अदालतले नै नैतिक प्रश्न उठाइसकेपछि उहाँलाई पदमा निरन्तरता दिनु र नैतिक धरातल गुमाइसकेका व्यक्तिहरू पदमा बसिरहनु कुनै पनि अर्थमा स्वभनीय हुन सक्दैन,’ सांसद घर्तीले भने ।
यो विषयमा सरकारले जवाफ दिनुपर्ने माओवादीको माग छ ।
‘सुशासनको दाबी गर्ने प्रधानमन्त्री र सरकार भ्रष्टाचारमा संलग्न व्यक्तिहरूलाई जोगाउने रक्षा कवच त होइन भन्ने प्रश्न उब्जिएको छ,’ उनले भने ।
वाइडबडी विमान खरिद प्रकरणमा अख्तियारकै प्रमुख आयुक्त प्रेमकुमार राईमाथि अनुसन्धान नभएको भनेर विशेष अदालतले प्रश्न उठाएको छ । यसै सन्दर्भमा माओवादीले सरकारको जवाफ मागेको हो ।
यस सम्बन्धमा जवाफका लागि सरकारलाई रुलिङ गर्न समेत सांसद घर्तीले सभामुखसँग माग गरे ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4