पार्टीभित्र विधि र पद्धतिमा कडाइ गर्न माओवादी केन्द्रका नेताहरूको सुझाव

News Summary

Generated by OK AI. Editorially reviewed.

नेकपा माओवादी केन्द्रको स्थायी कमिटी बैठकमा नेताहरूले पार्टीभित्र विधि पद्धति र प्रक्रियालाई कडाइका साथ लागू गर्न सुझाव दिएका छन्।
बैठकमा संगठन निर्माण, विकास र विस्तारमा योजना सहित केन्द्रीत हुनुपर्ने र नयाँ विचार संश्लेषणका लागि बहस थालनी गर्नुपर्ने विषय उठेको छ।
स्थायी समिति बैठकमा १८ सदस्य, ५ पदाधिकारी र १ अनुशासन आयोग पदाधिकारीले धारणा राखेका छन्।

१७ साउन, काठमाडौैं । नेकपा माओवादी केन्द्रको स्थायी कमिटी बैठकमा नेताहरूले पार्टीभित्र विधि पद्धति र प्रक्रियालाई कडाइका साथ लागू गर्न सुझाव दिएका छन् ।

पार्टी कार्यालय पेरिसडाडामा शनिबार बसेको बैठकमा धारणा राख्ने नेताहरूले पार्टीलाई एकताबद्ध ढंगले अघि बढाउन विधि पद्धती र प्रक्रियालाई कडाइपूर्वक लागू गर्नुपर्ने सुझाव दिएको प्रवक्ता अग्नि सापकोटाले जानकारी दिए ।

संगठन निर्माण, बिकास र विस्तारमा योजना सहित केन्द्रीत हुन आवश्यकका साथै शुद्धिकरण र रुपान्तरणका विषय विशेष रुपमा उठेको उनले बताए । सापकोटाले नयाँ विचार संश्लेषण र विचारको बिकासका लागि बहसको थालनी गर्नुपर्ने बिषय बैठकमा उठेको उल्लेख गरे ।

पार्टीका विषयमा आएका सवै बिषयमा सहज ढंगले बैठकमा छलफल भएको भन्दै उहाले माओवादी पार्टी कुनै हालतमा नफुट्ने बताए । एकता, संघर्ष र रुपान्तरण पार्टीको सिद्धान्त भएकाले बैठकको अन्तिमसम्म जादा पार्टी थप एकताबद्ध हुने उनले बताए ।

स्थायी समिति बैठकमा शनिबार आज १८ जना स्थायी समिति सदस्य, ५ जना पदाधिकारी र १ जना अनुशासन आयोगका पदाधिकारीले धारणा राखेको प्रवक्ता सापकोटाले जानकारी दिए ।

बैठक आइतबार ११ बजे देखि पुन सुचारू हुने बताइएको छ ।