दशैं लगत्तै ‘कबड्डी ५’को छायांकन मुस्ताङमा, शीर्ष कलाकार दोहोरिने

News Summary

Generated by OK AI. Editorially reviewed.

चर्चित फिल्म फ्रेन्चाइजी 'कबड्डी'को पाँचौ श्रृंखलाको छायांकन दशैं लगत्तै सुरु हुने भएको छ।
निर्माता निर्देशक रामबाबु गुरुङले शीर्ष कलाकार दयाहाङ राई, मिरुना मगर निरन्तरता पाउने र केही कलाकार हेरफेर हुनसक्ने बताए।
अभिनेता विजय बरालले टीकाको भोलिपल्टदेखि मुस्ताङमा छायांकन थलोमा जाने तयारी भैरहेको र तिहारसम्म सुटिङमा ब्यस्त हुने बताए।

काठमाडौं । चर्चित फिल्म फ्रेन्चाइजी ‘कबड्डी’को पाँचौ श्रृंखलाको छायांकन दशैं लगत्तै सुरु हुने भएको छ ।

निर्माता तथा निर्देशक रामबाबु गुरुङले अनलाइनखबरलाई यसबारे जानकारी दिए । उनका अनुसार दयाहाङ राई, मिरुना मगरसहितका शीर्ष कलाकारले निरन्तरता पाउनेछन् ।

केही कलाकार हेरफेर हुनसक्ने उनले बताए । ‘शीर्ष कलाकार दोहोरिनेछन् भने बाँकी केही कलाकार हेरफेर हुनसक्छन्’ गुरुङले भने ।

अभिनेता विजय बरालले पनि दशैं टीकाको भोलिपल्टदेखि नै आफूहरू छायांकन थलोमा जाने तयारी भैरहेको बताए । ‘टीकाको भोलिपल्टै हामी मुस्ताङतिर हिँड्ने कुरा छ’ उनले भने, ‘तिहार पछिसम्मै हामी उतै सुटिङमा ब्यस्त हुनेछौं ।’

यतिबेला निर्देशक समेत रहेका रामबाबुले फिल्मको स्क्रिप्ट लेखिरहेका छन् । कबड्डीका अघिल्ला चारै श्रृंखलाले घरेलु बक्सअफिसमा उछाल कमाइ गरिसकेका छन् ।

यसबाहेक, बाँसरी फिल्म्सको अर्को बहुप्रतीक्षित फिल्म ‘जारी’को दोस्रो श्रृंखला संविधान दिवसको अवसरमा असोज ३ गतेदेखि प्रदर्शन हुने तयारीमा छ ।