२० साउन, काठमाडौं । मुख्यसचिव एकनारायण अर्यालले निजामती ऐन नबनेसम्म कुलिङ अफ पिरियड राख्नुहुँदैन भनेर लागिरहने बताएका छन् ।
संसदीय विशेष छानबिन समितिमा सोधपुछका क्रममा उनले यस्तो बताएका हुन् ।
अर्यालसँग छानबिन समितिले यही साउन ४ गते सोधपुछ गरेको थियो । त्यसक्रममा उनले यस्तो बताएका हुन् ।
सोधपुछका क्रममा उनले भनेका छन्, ‘कुलिङ अफ पिरियड राखुहुँदैन भनेर हामी हाम्रो हकअधिकारको रूपमा लागेकै हो । अझै त्यही माग छ । यो विधेयक ऐन नबनेसम्म राखुहुँदैन भनेर लागिरहन्छु ।’
शीर्ष नेताहरूलाई भेटेर लबिङ गरेको पनि उनले स्वीकारेका छन् ।
सोधपुछका क्रममा उनले प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्डलाई भेटेर ‘कुलिङ अफ पिरियड राखुहुँदैन भन्ने माग राखेकै हो’ भनेका छन् ।
राज्य व्यवस्था समितिबाट विधेयक पारित भएपछि सभामुख देवराज घिमिरेलाई ‘कुलिङ पिरियड राख्नुहुँदैन भन्न गएकै हो’ भनेका छन् ।
समिति सदस्यहरूले देउसी भैलो किन गरेको भनेर सोधेको प्रश्नमा उनले भनेका छन्, ‘देउसी भैलो गर्न नभई पदीय हैसियतले आफ्नो कुरा राखेको हो ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land on sale at Sanagaun")
प्रतिक्रिया 4