जम्मू कश्मिरको किश्तवाडमा क्लाउडबर्स्ट, १२ जनाको मृत्यु

News Summary

Generated by OK AI. Editorially reviewed.

भारतको जम्मू कश्मिरको किश्तवाडमा बादल फाटेर आरीघोप्टे वर्षा हुँदा कम्तिमा १२ जनाको मृत्यु भएको छ।
संघीयमन्त्री जितेन्द्र सिंहले चोसिटी क्षेत्रमा भएको बादल फाट्ने घटनाले ठूलो क्षति गराउन सक्ने चेतावनी दिनुभएको छ।
उप–राज्यपाल कार्यालयले सामाजिक सञ्जाल एक्समा घटनाको पुष्टि गर्दै प्रशासन र उद्धार टोली सक्रिय भएको जनाएको छ।

२९ साउन, काठमाडौं । भारतको जम्मू कश्मिरमा बादल फाटेर आरीघोप्टे वर्षा (क्षणभरैमा हुने ठूलो वर्षा वा क्लाउडबर्स्ट) हुँदा कम्तिमा १२ जनाको मृत्यु भएको छ ।

जम्मू कश्मिरको किश्तवाडको चाशोटी भन्ने स्थानमा बादल फाटेर आरीघोप्टे वर्षा भएको इन्डिया टूडेले जनाएको छ ।

बादल फाट्ने घटना किश्तवाडको हिमालय क्षेत्रमा तिर्थालुहरू माता चण्डीको मन्दिरतर्फ जाने मार्गको प्रस्थानविन्दुमा भएको हो । घटनामा ठूलो क्षति भएको आशंका गरिएको छ ।

संघीयमन्त्री जितेन्द्र सिंहले श्राइन नजिकको चोसिटी क्षेत्रमा भएको बादल फाट्ने घटनाले ठूलो क्षति गराउन सक्ने चेतावनी दिएका छन् । प्रशासन तत्कालै सक्रिय भएको र उद्धार टोलीहरूलाई घटनास्थलतर्फ खटाइएको उनले बताएका छन् ।

जम्मू कश्मिरका उप–राज्यपाल कार्यालयले पनि सामाजिक सञ्जाल एक्समा पोस्ट गर्दै घटनाको पुष्टि गरेको छ ।