२०८२ भदौ १२ गते १५:५१ 
News Summary
Generated by OK AI. Editorially reviewed.- भारतको गुवाहाटीमा सुरु भएको नेपाल 'ए' र आसामबीचको टी-२० सिरिजअन्तर्गत पहिलो खेलमा नेपाल 'ए' पराजित भएको छ।
- आसामले दिएको १९१ रनको लक्ष्य पछ्याएको नेपाल 'ए' ले ८ ओभरमा ३ विकेट गुमाएर ६४ रन बनाएको अवस्थामा वर्षा भएपछि खेल रोकिएको थियो।
- नेपालका आकाश चन्दले ३ विकेट लिए भने विवेक यादव र कमलसिंह ऐरीले २-२ विकेट लिए, आदिल आलमले १ विकेट लिए।
१२ भदौ, काठमाडौं । भारतको गुवाहाटीमा आजदेखि सुरु भएको नेपाल ‘ए’ र आसामबीचको टी-२० सिरिजअन्तर्गत पहिलो खेलमा नेपाल ‘ए’ पराजित भएको छ ।
आसामले दिएको १९१ रनको लक्ष्य पछ्याएको नेपाल ‘ए’ ले ८ ओभरमा ३ विकेट गुमाएर ६४ रन बनाएको अवस्थामा वर्षा भएपछि खेल त्यसपछि सुरु हुन सकेन ।
खेल सुरु हुन नसकेपछि डीएल पद्धतिअनुसार नेपाल १५ रनले पछाडि परेको हो ।
त्यसअघि टस हारेर पहिले ब्याटिङको निम्तो पाएको आसामले २० ओभरमा ८ विकेट गुमाएर १९० रन बनाउँदै नेपाललाई १९१ रनको लक्ष्य प्रस्तुत गरेको थियो ।
आसामका लागि कप्तान सुमित घदिअन्करले सर्वाधिक ३४ रन बनाएका थिए । त्यस्तै रोहित सेनले २४ रन बनाए । अन्त्यतिर विस्फोटक ब्याटिङ गर्दै आकाश सेनगुप्ता ८ बलमा २४ तथा अभिनव चौधरी ७ बलमा २६ रनमा अविजित रहे ।
आसामले राम्रो सुरुवात गरेपछि बीचका ओभरमा नेपालका बलरले किफायती बलिङ गरेपछि दबाबमा आएको थियो । तर अन्तिमका २ ओभरमा सेनगुप्ता र चौधरी मिलेर ५० रनको साझेदारी गर्दै बलियो योगफलमा पुर्याए ।
नेपालका लागि आकाश चन्दले ३ विकेट लिए भने विवेक यादव र कमलसिंह ऐरीले २-२ विकेट लिँदा आदिल आलमले १ विकेट लिए ।
प्रतिक्रिया 4