+
+
Shares

प्रकाश सपुत र परीक्षा लिम्बुको ‘सोल्टिनी’ भाइटीकामा

अनलाइनखबर अनलाइनखबर
२०८२ भदौ १३ गते ११:४६

News Summary

Generated by OK AI. Editorially reviewed.
  • कथानक फिल्म 'सोल्टिनी'को प्रदर्शन मिति तिहार भाइटीकाको दिन कार्तिक ६ गते तोकिएको छ।
  • फिल्ममा प्रकाश सपुत र परीक्षा लिम्बु मुख्य कलाकार हुन् भने अर्जुन सुवेदीले निर्देशन गरेका छन्।
  • फिल्मले प्रेम, संस्कृति र ग्रामीण सेटिङमा अमानवीयता र जातीय भेदभावविरुद्धको कथा प्रस्तुत गरेको छ।

काठमाडौं । पाँच पोस्टर सार्वजनिक गर्दै कथानक फिल्म ’सोल्टिनी’को प्रदर्शन मिति घोषणा भएको छ ।

प्रकाश सपुत र परीक्षा लिम्बु स्टारर यो फिल्म अब कार्तिक ६ गते तिहार भाइटीकाको दिनमा प्रदर्शनमा आउने जनाइएको छ ।

कार्यकारी निर्माताको रूपमा ‘हर्क साम्पाङ रिभोलुसन एन्ड टिम’ छ । यो समूहको नेतृत्वमा धरान महानगरपालिकामा मेयर हर्क साम्पाङ छन् ।

फिल्मलाई अर्जुन सुवेदीले निर्देशन गरेका छन्, जसमा प्रकाश र परीक्षाको साथमा विल्सनविक्रम राई, सब्बु गुरुङ, रवीन्द्र झा, प्रकाश घिमिरे, प्रेम सुब्बा, कविता आले, सुन्दर धिताल, सुजन खतिवडालगायतका कलाकारको अभिनय छ ।

चार भिन्न पोस्टरले कथावस्तु दर्शाउँछ । जसअनुसार, यो फिल्म प्रेम, संस्कृति र ग्रामीण सेटिङमा बनेको बुझ्न सकिन्छ ।

फिल्मले दर्शकलाई फरक स्वादको कथासँग जोड्ने निर्देशक सुवेदीले दावी गरे । समाजमा व्याप्त अमानवीयता र जातीय भेदभावविरुद्धको कथावस्तु प्रस्तुत गरिएको जनाइएको छ ।

इलाम बजार, बिब्ल्याँटे, कन्याम, बिर्तामोड, पथरी र भोजपुरका रमणीय थलोमा फिल्म छायाङ्कन गरिएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?