जेनजी प्रदर्शनमा दलका भ्रातृसंस्थालाई ‘नो इन्ट्री’

News Summary

Generated by OK AI. Editorially reviewed.

काठमाडौंको माइतीघर मण्डलामा स्वतःस्फुर्त रूपमा भेला भएका जेनजी युवाहरूले दल निकटका भ्रातृसंस्थालाई प्रदर्शनमा आउन रोक लगाएका छन्।
जेनजीले \'जेनजी पुस्ता चिच्याउँछ, भ्रष्टहरूलाई गिज्याउँछ\' नारा लेखेका प्लेकार्ड बोकेका छन् र कतिपय कलेज र स्कुल पोशाकमा देखिएका छन्।
सरकार र राजनीतिक दलका नेताविरुद्धको आक्रोशलाई जेनजीले सडकमा उतारेका छन् र विभिन्न क्षेत्रका व्यक्तिले उनीहरूलाई समर्थन गरेका छन्।

२३ भदौ, काठमाडौं । भ्रष्टाचार, अव्यवस्था र सामाजिक सञ्जाल बन्द गर्ने सरकारको निर्णयविरुद्ध आन्दोलित नयाँ पुस्ताका युवा (जेनजी) हरूले राजनीतिक दल निकटका भ्रातृसंस्थाहरूलाई प्रदर्शनमा आउन रोक लगाएका छन् ।

स्वत:स्फुर्त रूपमा काठमाडौंको माइतीघर मण्डलामा भेला भएका उनीहरूले दल निकटका भ्रातृसंस्थालाई प्रदर्शनमा सहभागी हुन रोक लगाएका हुन् ।

उनीहरूले ‘जेनजी पुस्ता चिच्याउँछ, भ्रष्टहरूलाई गिज्याउँछ’ लगायतका नारा लेखेका प्लेकार्ड बोकेका छन् । कतिपय युवाहरू कलेज र स्कुल पोशाकमा समेत देखिएका छन् ।

पहिले सामाजिक सञ्जालका पोस्टमा मात्र सीमित सरकार र राजनीतिक दलका नेताविरुद्धको आक्रोशलाई जेनजीले सडकमा उतारेका हुन् ।

जेनजीलाई विभिन्न राजनीतिक दल, जनप्रतिनिधि, कलाकार, विभिन्न पेसा व्यवसायमा संलग्न व्यक्ति र स्वतन्त्र युवाहरूले समर्थन गरेका छन् ।