News Summary
Generated by OK AI. Editorially reviewed.- भक्तपुरको चाँगुनारायण नगरपालिका–२ दुवाकोट मोडस्थित प्रहरी बिट स्थानीयले पुन:र्निर्माण गरेका छन्।
२८ भदौ, काठमाडौं । जेन जी आन्दोलनमा ध्वस्त भएको भक्तपुरको एक प्रहरी बिट स्थानीयले बनाइदिएका छन् ।
चाँगुनारायण नगरपालिका–२ दुवाकोट मोडमा रहेका प्रहरी बिट मंगलबार प्रदर्शनकारीले तोडफोड र आगजनी गरी ध्वस्त गरेका थिए ।
त्यसको भोलिपल्टैदेखि प्रहरी बिट पुन:निर्माण गर्न पहल थालेको स्थानीय युवा निशान रत्न बस्ताकोटीले जानकारी दिए ।
आफू पनि एक जेनजी भएकाले आफ्नो पुस्ताका युवाको आन्दोलनमा क्षति भएको संरचना बनाउन अघि सरेको उनले बताए ।
‘म पनि जेन नी नै हुँ’ बस्ताकोटीले भने, ‘नवयुवाहरु भत्काउन मात्रै होइनन् बनाउन अग्रसर हुन्छन् भनेर यसमा लागिरहेको छु ।’
उनका अनुसार स्थानीयले निर्माण सामग्रीदेखि श्रमदान र नगद सहयोग समेत गरेका छन् ।
अरु काम सकिए पनि बिटमा सिसा लगाउन बाँकी रहेको उनले बताए ।
पहिलेको भन्दा राम्रो बिट बनाइदिन लागेको बस्ताकोटीले जानकारी दिए ।
निर्माण पूरा गरेर आइतबार या सोमबार प्रहरीलाई बस्नका लागि तयार हुने उनको भनाइ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
Insert%20Rename%20Macros.jpeg "House for Sale at Imadol")
![घाइते जेनजी र उपचारमा खटिने स्वास्थ्यकर्मीलाई नि:शुल्क खाना [फोटोफिचर]](https://www.onlinekhabar.com/wp-content/uploads/2025/09/civil-food-3-768x418.jpg)
प्रतिक्रिया 4