धनुषामा ८३५ किलो गाँजा बरामद

News Summary

Generated by OK AI. Editorially reviewed.

सशस्त्र प्रहरीले धनुषा, विदेह नगरपालिका–३ गोबराहीस्थित बाँसघारीमा लुकाइएको ८३५ किलोग्राम गाँजा बरामद गरेको छ।
सशस्त्र प्रहरी बल, नेपाल नं. ८ गण धनुषाबाट प्रहरी निरीक्षक हेमन्त लिम्बुको कमाण्डमा २७ जनाको टोलीले दिउँसो गाँजा बरामद गरेको हो।
बरामद गाँजा स्थानीय जोगिन्द्र साहको बाँसघारीभित्र रहेको टहरोमा लुकाइएको अवस्थामा भेटिएको एसएसपी अशोक बमले जानकारी दिए।

३ असोज, जनकपुरधाम । सशस्त्र प्रहरीले धनुषाबाट ठूलो परिमाणमा लागूऔषध गाँजा बरामद गरेको छ । विदेह नगरपालिका–३ गोबराही स्थित बाँसघारीमा लुकाइ राखिएको अवस्थामा ८३५ किलोग्राम गाँजा सशस्त्र प्रहरीले बरामद गरेको हो ।

सशस्त्र प्रहरी बल नेपाल नं २ छिन्नमस्ता बाहिनि मुख्यालयको बिशेष सुचनाको आधारमा सशस्त्र प्रहरी बल, नेपाल नं. ८ गण धनुषाबाट प्रहरी निरीक्षक हेमन्त लिम्बुको कमाण्डमा खटिएको २७ जनाको टोलीले आज दिउँसो सो गाँजा बरामद गरेको हो ।

बरामद गरिएको गाँजा गोब्राहीका स्थानीय जोगिन्द्र साहको बाँसघारीभित्र रहेको टहरोमा लुकाई छिपाई राखेको अवस्थामा अवस्थामा भेटिएको सूचना अधिकारी एसएसपी अशोक बमले जानकारी दिए ।