२०८२ असोज ४ गते १२:४७ 
News Summary
Generated by OK AI. Editorially reviewed.- मलेसियन क्रिकेट एशोसिएसनको आयोजनामा सेप्टेम्बर २४ देखि ३० सम्म मलेसियन सुपर वुमन सिरिज हुँदैछ।
- यो प्रतियोगितामा पाँच टोलीले भाग लिनेछन् र नेपाली महिला क्रिकेटरहरू पनि सहभागी हुनेछन्।
- नेपाली खेलाडीहरूलाई अन्तर्राष्ट्रिय अनुभव र टी-२० विश्वकप ग्लोबल छनोट तयारीमा यो सिरिज महत्वपूर्ण हुनेछ।
४ असोज, काठमाडौं । मलेसियन क्रिकेट एशोसिएसनको आयोजनामा यही सेप्टेम्बर २४ देखि ३० तारिखसम्म हुने मलेसियन सुपर वुमन सिरिजमा नेपाली महिला क्रिकेटरहरूले खेल्ने भएका छन् ।
यो प्रतियोगिता यायासाम सिमे डार्बीको प्रायोजनमा तेस्रो संस्करणका रूपमा आयोजना हुँदैछ। यस पटक पाँच टोलीहरू- सेन्ट्रल सुपर गर्ल्स, इस्टर्न लायनेस, नर्थन क्वीन्स, साउथर्न जागुअर्स र वेस्टर्न वन्डर वुमन प्रतिस्पर्धामा हुनेछन्।
२०२० मा भएको पहिलो संस्करणमा ६ मुलुकका खेलाडीहरूले सहभागिता जनाएका थिए भने २०२४ को संस्करणमा ९ मुलुकका खेलाडीहरू खेलेका थिए।
उद्घाटन संस्करणमा नर्थन क्वीन्स विजेता बनेको थियो भने दोस्रो संस्करण वेस्टर्न वन्डर वुमनले जितेको थियो। यसपटक उनीहरू उपाधि रक्षा गर्ने अभियानमा हुनेछन् ।
यस सिरिज नेपाली खेलाडीहरूका लागि अन्तर्राष्ट्रिय अनुभव बटुल्ने अवसर मात्र नभएर मलेसियाविरुद्धको टी-२०आई शृंखला र टी-२० विश्वकपको ग्लोबल छनोट तयारीका लागि पनि महत्वपूर्ण हुनेछ ।
कुन खेलाडीले कुन टिमबाट खेल्दै छन् ?
एसोसियट क्रिकेटको बारेमा समाचार लेख्दै आएको संस्था सिजार स्पोर्ट्स ग्लोबलले नेपाली खेलाडीहरू समेटिएको लिस्ट पनि सार्वजनिक गरेको छ ।
त्यहाँ उल्लेख भएअनुसार रुबिना क्षेत्री र कविता कुँवर कुन टोलीबाट खेल्ने भन्ने टुंगो बाँकी छ। बाँकी १२ खेलाडीहरूको नाम विभिन्न टोलीमा समावेश छ ।
सेन्ट्रल सुपर गर्ल्स : यशोदा बिस्ट, राजमती ऐरि, सिता राना मगर, रिया शर्मा
इस्टर्न लायनेस : कविता जोशी, सम्झना खड्का
नर्थन क्वीन्स : रुबी पोद्दार
साउथर्न जागुअर्स : पूजा महतो, सोमु बिस्ट
वेस्टर्न वन्डर वुमन : इन्दु वर्मा, सावित्री धामी, रचना चौधरी
प्रतिक्रिया 4