‘परान’को पोस्टरमा शंख फुक्दै नीर शाह

News Summary

Generated by OK AI. Editorially reviewed.

दीपकप्रसाद आचार्य निर्देशित फिल्म ‘परान’ को नयाँ पोस्टरमा अभिनेता नीर शाह शंख फुक्दै गरेको दृश्य देखाइएको छ।
फिल्मको कथामा धर्म, संस्कृति वा परम्परागत रीतिरिवाजको महत्वपूर्ण स्थान हुन सक्ने सङ्केत पोस्टरले दिएको छ।
‘परान’ कार्तिक १४ गतेदेखि बाइस्कोप सिनेमा प्रालिले रिलिज गर्ने जनाइएको छ।

काठमाडौं । दीपकप्रसाद आचार्य (काकु) को निर्देशनमा बनेको फिल्म ‘परान’ को नयाँ पोस्टर सार्वजनिक गरिएको छ ।

सोमबार सार्वजनिक पोस्टरमा पाका अभिनेता नीर शाह चित्रित छन् । यसअघि महेश त्रिपाठी र अञ्जना बराईलीलाई चित्रित गर्दै पोस्टर ल्याइएकोमा शाहलाई फिचर्ड गरिएको हो ।

पोस्टरमा उनी शंख फुक्दै गरेको चरित्र चित्रणमा छन् । उनको अनुहारमा गम्भीरता र अनुभवको भाव स्पष्ट झल्किएको छ ।

यो दृश्यले फिल्मको कथामा धर्म, संस्कृति वा कुनै परम्परागत रीतिरिवाजको महत्वपूर्ण स्थान हुन सक्ने सङ्केत दिन्छ । पोस्टरले शाहको भूमिका र फिल्मको कथावस्तुबारे विभिन्न अड्कलबाजी उब्जाएको छ ।

व्यावसायिक घराना गोल्छा समूह तथा प्रिज्मा समूहको साझेदारी रहेको कम्पनी बाइस्कोप सिनेमा प्रालिले परानको निर्माण गरेको हो । आचार्यकै कथा रहेको फिल्मको पटकथा तथा संवाद यम थापाले लेखेका हुन् ।

फिल्ममा मदनकृष्ण श्रेष्ठ, पूजा चन्द, केकी अधिकारी, प्रवीण खतिवडा, बुद्धि तामाङ लगायतको अभिनय छ ।

‘परान’ कार्तिक १४ (अक्टोबर ३१) देखि रिलिज हुने जनाइएको छ ।