२०८२ असोज ८ गते ९:३२ 
News Summary
Generated by OK AI. Editorially reviewed.- लिभरपुलले इएफएल कपको तेस्रो चरणमा साउथह्याम्पटनलाई २-१ ले पराजित गरेको छ ।
- लिभरपुलका लागि अलेकजान्डर इकास र ह्युगो एकिटिकेले गोल गरे ।
- एकिटिकेले गोल गरेपछि जर्सी खोलेर सेलेब्रेसन गर्दा रातो कार्ड पाएपछि लिभरपुल १० खेलाडीमा सीमित भएको थियो।
८ असोज, काठमाडौं । अलेकजान्डर इकासले लिभरपुलका लागि पहिलो गोल गरेको खेलमा साउथह्याम्पटनलाई २-१ ले पराजित गर्दै लिभरपुल इएफएल कपको चौथो चरणमा प्रवेश गरेको छ ।
तेस्रो चरणमा लिभरपुललाई जित दिलाउन इसाकसँगै ह्युगो एकिटिकेले गोल गरे ।
घरेलु मैदान एनफिल्डमा भएको खेलमा इसाकले ४३औं मिनेटमा गोल गर्दै लिभरपुललाई अग्रता दिलाएका थिए । सिअ चार्ल्सले ७६औं मिनेटमा साउथह्याम्पटनका लागि बराबरी गोल फर्काए ।
तर एकिटिकेले ८५औं मिनेटमा निर्णायक गोल गर्दै लिभरपुलको जित पक्का गरे । गोल गरे लगत्तै जर्सी खोलेर सेलेब्रेसन गरेका एकिटिके रातो (दोहोरो पहेँलो) कार्ड सामना गर्दै मैदान बाहिरिएपछि लिभरपुल १० खेलाडीमा समेटिएको थियो ।
इएफएल अन्तर्गत तेस्रो चरणको अन्य खेलमा चेल्सीले लिङक्न सिटीलाई २-१ ले, वल्भ्ले एभरटनलाई २-० ले, क्राइटनले बार्न्सलेलाई ६-० ले, कार्डिफ सिटीले बर्नलेलाई २-१ ले, फुलहमले क्याम्ब्रिज युनाइटेडलाई १-० ले, व्रेक्समले रिडिङलाई २-० ले तथा वाएमोम्बे वन्डरर्सले विगान एथ्लेटिकलाई २-० ले नै पराजित गरेको छ ।
प्रतिक्रिया 4