२०८२ असोज ९ गते २१:४५ 
News Summary
Generated by OK AI. Editorially reviewed.- साफ यू-१७ च्याम्पियनसिपमा नेपाल सेमिफाइनलमा भारतसँग ३-० ले पराजित हुँदै बाहिरिएको छ।
- भारतले सबै गोल दोस्रो हाफमा गरेको थियो ।
९ असोज, काठमाडौं । श्रीलंकामा भइरहेको साफ यू-१७ च्याम्पियनसिपमा नेपाल सेमिफाइनलबाटै बाहिरिएको छ ।
बिहीबार कोलोम्बोस्थित रेसकोर्स मैदानमा भएको दोस्रो सेमिफाइनलमा चिरपरिचित प्रतिद्वन्दी भारतसँग ३-० ले पराजित हुँदै नेपाल बाहिरिएको हो ।
साविक विजेता समेत रहेको भारतले अब उपाधिका लागि बंगलादेशसँग खेल्नेछ । बंगलादेशले पहिलो सेमिफाइनलमा पाकिस्तानलाई २-० ले हराएर फाइनल पुगिसकेको छ ।
नेपालले भारत विरुद्ध पहिलो हाफमा राम्रो प्रदर्शन गर्दै गोलको अवसर समेत बनाएको थियो । तर गोल गर्न सकेन । ३८औं मिनेटमा नेपालका प्रदिप मगरले पेनाल्टी बक्स बाहिरबाट हानेको प्रहार भारतका गोलकिपरले पन्च गर्दै बचाएका थिए ।
भारतका लागि गुनलेइबा वाङ्गखेरिएक्पमाले ६१औं मिनेटमा गोल गरी अग्रता दिलाएका थिए भने अजलान शाहले ८०औँ मिनेटमा दोस्रो गोल गरे । डिएमिन्ड सिंहले इन्जुरी टाइमको चौथो मिनेटमा गोल गर्दै ३-० को जित पक्का गरे ।
प्रतिक्रिया 4