सागर डिस्टिलरी आईपीओमा २१ लाख आवेदकको हात खाली

News Summary

Generated by OK AI. Editorially reviewed.

सागर डिस्टिलरीले सर्वसाधारणका लागि निष्कासन गरेको आईपीओ सेयर १२ असोजमा बाँडफाँट भएको छ।
कम्पनीले ३० भदौदेखि ९ असोजसम्म ११ लाख ९० हजार कित्ता सेयर बिक्री खुला गरेको थियो।
१ लाख १९ हजार ६४ आवेदकले १० कित्ताका दरले कम्पनीको सेयर प्राप्त गरेका छन्।

१ लाख १९ हजार ६४ आवेदकले १० कित्ताका दरले सागर डिस्टिलरीको सेयर प्राप्त गरेका छन्।

१२ असोज, काठमाडौं । सागर डिस्टिलरीले सर्वसाधारणका लागि निष्कासन तथा बिक्री खुला गरेको (आईपीओ) सेयर बाँडफाँट भएको छ।

९ असोजसम्म आवेदन खुला गरिएको कम्पनीको साधारण सेयर आइतबार बाँडफाँट भएको हो।

कम्पनीले ३० भदौदेखि ९ असोजसम्म सर्वसाधारण लगानीकर्ताका लागि ११ लाख ९० हजार कित्ता सेयर बिक्री खुला गरेको थियो । प्रतिकित्ता १ सय रुपैयाँ अंकित मूल्य रहेको कम्पनीको उक्त सेयरका लागि कुल २२ लाख २७ हजार ५ सय ३ जनाले २ करोड ४२ लाख ८० हजार ५ सय ८० कित्ता सेयरका लागि आवेदन दिएका थिए।

जसमध्ये २१ लाख ९३ हजार ८ सय २३ आवेदन स्वीकृत भएको छ भने बाँकी आवेदन रद्द भएको धितोपत्र निष्कासन तथा बिक्री प्रबन्धक मुक्तिनाथ क्यापिटलले जनाएको छ।

मागभन्दा बढी आवेदन परेकाले गोलाप्रथा प्रक्रिया मार्फत कम्पनीको आईपीओ बाँडफाँट गरिएको छ । जसअनुसार १ लाख १९ हजार ६४ आवेदकले १० कित्ताका दरले कम्पनीको सेयर प्राप्त गरेका छन् । कम्पनीको उक्त सेयर बाँडफाँटको नतिजा सीडीएससी आईपीओ रिजल्टमा गएर हेर्न सकिन्छ।