रोशीले हृयुम पाइप बगाउँदा डाँडापारी जाने यातायात अवरुद्ध

News Summary

Generated by OK AI. Editorially reviewed.

काभ्रेपलाञ्चोकको महाभारत गाउँपालिका जोड्ने सडकअन्तर्गत थाङसिबेसीमा हृयुम पाइप बगाउँदा डाँडापारी जाने यातायात दुई दिनदेखि अवरुद्ध छ।
गत वर्ष असोजमा आएको बाढीले पक्की पुल बगाएपछि अस्थायी हृयुम पाइप राखिएको थियो, जुन यस वर्षको बाढीले पुनः बगाइएको छ।
जिल्ला ट्राफिक प्रहरी कार्यालय काभ्रेले सडक अवरुद्ध भएकाले वैकल्पिक सडक प्रयोग गर्न अनुरोध गरेको छ।

१२ असोज, काभ्रेपलाञ्चोक । काभ्रेको महाभारत गाउँपालिका जोड्ने सडकअर्न्तगत नमोबुद्ध नगरपालिका वडा नं ६ र रोशी गाउँपालिका वडा नं ७ को सिमाना रहेको थाङसिबेसीको हृयुम पाइप बगाउँदा डाँडापारी जाने यातायात अवरुद्ध भएको छ ।

गत वर्ष असोजको दोस्रो सातामा आएको बाढीले सो स्थानमा रहेको पक्की पुल बगाएको थियो । पक्की पुल बगाएपछि अस्थायीरुपमा यातायात सञ्चालनका लागि थाङसिबेसीमा हृयुम पाइप राखिएको थियो । उक्त हृयुम पाइप यस वर्षको बाढीले बगाएपछि दुई दिन अघि मात्रै राखिएको हृयुम पाइप रोशी खोलाले पुन: बगाएको छ ।

रोशी खोलाले काभ्रेको डाँडापारी जाने सडकखण्डको हृयुम पाइप बगाएको हुनाले सडक अवरुद्ध रहेकाले वैकल्पिक सडक प्रयोग गर्न जिल्ला ट्राफिक प्रहरी कार्यालय काभ्रेले अनुरोध गरेको छ ।