२०८२ असोज १८ गते १०:३३ 
News Summary
Generated by OK AI. Editorially reviewed.- नेपाली महिला राष्ट्रिय क्रिकेट टोलीले मलेसियासँगको टी–२० अन्तर्राष्ट्रिय शृंखलाको दोस्रो खेलमा ६ विकेटले जित हासिल गरेको छ।
- नेपालले ९२ रनको लक्ष्य १६.२ ओभरमा ४ विकेट गुमाएर पूरा गरेको हो।
- पूजा महतोले सर्वाधिक ३९ रन बनाइन् भने कप्तान इन्दु बर्मा २७ रनमा अविजित रहिन्।
१८ असोज, काठमाडौं । नेपाली महिला राष्ट्रिय क्रिकेट टोलीले मलेसियासँगको टी–२० अन्तर्राष्ट्रिय शृंखलाअन्तर्गत दोस्रो खेलमा जित हासिल गरेको छ ।
कुआलालम्पुरस्थित वायुमास ओभलमा भएको खेलमा नेपालले मलेसियालाई ६ विकेटले हराएको हो । मलेसियाले दिएको ९२ रनको लक्ष्य नेपालले १६.२ ओभरमा ४ विकेटको क्षतिमा पूरा गर्यो ।
पूजा महतोले सर्वाधिक ३९ रन बनाइन् । कप्तान इन्दु बर्मा २७ रनमा अविजित रहिन् । रुबी पोद्दारले १५ रन बनाइन् ।
नेपालको शून्यमै २ विकेट गुमिसकेको अवस्थाबाट पूजा र रुबीले तेस्रो विकेटका लागि ४३ रनको साझेदारी गरेका थिए । त्यसपछि पूजा र इन्दुले ३७ रनको साझेदारी गरे ।
मलेसियाकी आयना हमिजाले २ विकेट लिइन् भने नुर दानिया स्युहादा र नुर आलियाले १-१ विकेट लिए ।
त्यसअघि टस जितेर पहिले ब्याटिङ गरेको मलेसियाले २० ओभरमा ४ विकेट गुमाएर ९१ रन बनाएको थियो । मलेसियाका लागि आइना हमिजाले अविजित ५० रन बनाइन् । कप्तान विनिफ्रेड दुरासिंघमले १५ रन बनाइन् ।
नेपालकी सोमु विष्टले २ तथा कविता कुँवरले १ विकेट लिए ।
नेपाल यसअघि पहिलो खेलमा ३ रनले पराजित भएको थियो । योसँगै ५ खेलको शृंखला १-१ को बराबरीमा आएको छ । तेस्रो खेल आइतबार हुनेछ ।
प्रतिक्रिया 4