२०८२ असोज २४ गते १७:५१ 
News Summary
Generated by OK AI. Editorially reviewed.- आईसीसी टी-२० विश्वकप एसिया तथा इस्ट एसिया पेसिफिक छनोटको दोस्रो खेलमा नेपाललाई जापानले मध्यम लक्ष्य दिएको छ।
- जापानले २० ओभरमा ८ विकेट गुमाएर १३१ रन बनाएको छ ।
- कप्तान केन्डल काडोवाकी फ्लेमिङले ६० रन बनाए।
२४ असोज, काठमाडौं । आईसीसी टी-२० विश्वकप एसिया तथा इस्ट एसिया पेसिफिक छनोटको आफ्नो दोस्रो खेलमा जापानलाई जित्न नेपालले मध्यम लक्ष्य पाएको छ ।
टस हारेर पहिले ब्याटिङको निम्तो पाएको जापानले २० ओभरमा ८ विकेट गुमाएर १३१ रन बनायो ।
जापानका लागि कप्तान केन्डल काडोवाकी फ्लेमिङले सर्वाधिक ६० रन बनाए । ११ रनमा पहिलो विकेट गुमाएपछि उनले इसार रहमानसँग मिलेर दोस्रो विकेटका लागि ८६ रनको साझेदारी गरेका थिए ।
रहमानले ३१ रन बनाएर आउट भए । त्यसको ४ बलपछि कप्तान फ्लेमिङ पनि आउट भए जतिबेला जापानको स्कोर ९९-३ थियो । त्यहाँबाट नेपालले नियमित अन्तरालमा विकेट लिएपछि जापान १८औं ओभरमा १११-६ को अवस्थामा पुगेको थियो । बेन्जामिन इटो डेभिसले अन्त्यतिर १७ रन बनाए ।
नेपालका लागि गुल्शन झाले ४ ओभरमा २० रन दिएर २ विकेट लिए । सन्दीप लामिछानेले ४ ओभरमा २५ रन दिएर २ विकेट लिए । सोमपाल कामी र नन्दन यादवले १-१ विकेट लिए ।
नेपालले जापानलाई हराएमा सुपर सिक्समा २ अंक लिएर जानेछ । दुवै टोली यसअघि नै सुपर सिक्समा पुगिसकेका छन् ।
प्रतिक्रिया 4