हमासले दुई जनाको शव रेडक्रसलाई बुझायो : इजरायली सेना

News Summary

Generated by OK AI. Editorially reviewed.

हमासले गाजामा रहेका दुई मृत बन्धकको शव अन्तर्राष्ट्रिय रेड क्रस समिति (आईसीआरसी)लाई बुझाएको छ।
इजरायली सेना (आईडीएफ) ले भनेको छ, 'हमासले दुई जनाको शव रहेको कफिन रेड क्रसलाई बुझाएको छ' र ती शवहरू आईडीएफ र शिन बेट टोलीतर्फ ल्याइँदैछ।
हामीले नेपाली विद्यार्थी विपिन जोशीसहित चार बन्धकको शव फिर्ता गरिने र ती व्यक्तिहरूको नाम सार्वजनिक गरिएको छ।

२७ असोज, काठमाडौं । हमासले गाजामा रहेका दुई मृत बन्धकको शव अन्तर्राष्ट्रिय रेड क्रस समिति (आईसीआरसी)लाई बुझाएको छ ।

नेपालका विपिन जोशीसहित ४ जनामध्ये २ जनाको शव रेडक्रस प्रतिनिधिले प्राप्त गरेको इजरायली सेना (आईडीएफ) ले जनाएको छ ।

आईडीएफ विज्ञप्ति जारी गर्दै भनेको छ, ‘हमासले दुई जनाको शव रहेको कफिन रेड क्रसलाई बुझाएको छ, र ती शवहरू अहिले गाजामा रहेका आईडीएफ र र शिन बेटका टोली भएको स्थानतर्फ ल्याइँदैछ ।’

त्यसपछि थप दुई बन्धकका शव पनि रेड क्रसमार्फत इजरायललाई हस्तान्तरण गरिने विज्ञप्तिमा उल्लेख छ ।

तर आईडीएफले ती शवको पहिचान भने खुलाएको छैन ।

यसअघि हमासको सैन्य विङले चार जना बन्धकका शव फिर्ता गरिने बताउँदै ती व्यक्तिहरूको नाम सार्वजनिक गरेको थियो ।\

जसमा नेपाली विद्यार्थी विपिन जोशीसहित इजरायली नागरिकहरू योसी शाराबी, गाइ इलुज, र सैनिक ड्यानियल पेरेट्जको नाम थियो ।