२०८२ असोज ३० गते १३:४२ 
News Summary
Generated by OK AI. Editorially reviewed.- नेपाली फुटबल टोलीले एएफसी एसियन कप छनोटअन्तर्गत भियतनामसँग दुई खेलमा पराजित भएपछि समूह चरणबाटै बाहिरिएको छ।
- नेपालले समूह एफमा चार खेलमा लगातार हार व्यहोरेर अंकविहीन हुँदै समूहको पूछारमा परेको छ।
- भियतनाम ९ अंकसहित दोस्रो स्थानमा छ भने मलेसिया १२ अंकसहित शीर्ष स्थानमा छ।
३० असोज, काठमाडौं । एएफसी एसियन कप छनोटअन्तर्गत भियतनाम विरुद्धको होम र अवे खेल खेलेर नेपाली फुटबल टोली बिहीबार स्वदेश फर्किएको छ ।
नेपाल भियतनामसँग पहिलो खेलमा ३-१ ले पराजित भएको थियो भने दोस्रो खेलमा केही प्रतिस्पर्धात्मक चुनौती प्रस्तुत गरेपनि १-० ले पराजित भयो ।
समूह एफमा रहेको नेपाल लगातार चार खेलमा पराजित भएपछि एसियन कपमा छनोट हुने सम्भावना सकिएको छ भने दुई खेल खेल्नुअघि नै समूह चरणबाटै बाहिरिएको छ ।
यसअघि मलेसियासँग २-० ले पराजित भएको नेपाल लाओससँग २-१ ले पराजित भएको थियो । अब नेपालले मलेसिया र लाओससँग होम म्याच खेल्न बाँकी छ ।
चार खेल हारेको नेपाल अंकविहिन हुँदै पूछारमा छ । भियतनाम ४ खेलबाट ९ अंकसहित दोस्रोमा छ । मलेसिया १२ अंकसहित शीर्ष स्थानमा छ ।
प्रतिक्रिया 4