मोहन वैद्यले नेतृत्व छोडे,‍ सीपी गजुरेललाई महासचिवको जिम्मा

News Summary

Generated by OK AI. Editorially reviewed.

क्रान्तिकारी कम्युनिस्ट पार्टी नेपालका महासचिव मोहन वैद्य किरणले स्वास्थ्य कारणले पदबाट स्वैच्छिक राजीनामा दिएका छन्।
पार्टीले मोहन वैद्यको स्थानमा सीपी गजुरेललाई महासचिव बनाउने निर्णय गरेको छ।
मोहन वैद्यले २०६९ सालमा नेकपा-माओवादी गठन गरेका थिए र २०८१ मंसिरमा क्रान्तिकारी कम्युनिस्ट पार्टीको महासचिव बनेका थिए।

२ असोज, काठमाडौं । क्रान्तिकारी कम्युनिस्ट पार्टी नेपालको महासचिव पदबाट मोहन वैद्य किरणले स्वैच्छिक राजीनामा दिएका छन् । उनले पार्टी महासचिवको पद छोडेका हुन् ।

८० वर्ष उमेरका उनले स्वास्थ्य लगायतको कारण देखाउँदै पद छोड्ने निर्णय गरेका हुन् । उनको स्थानमा पार्टीले सीपी गजुरेललाई महासचिव बनाउने निर्णय गरेको छ ।

‘किरण जी लामो समयदेखि महासचिव हुनुहुन्थ्यो, उहाँको स्वास्थ्यले साथ दिएन । त्यसैले केन्द्रीय समितिले महासचिवको जिम्मेवारी मलाई दिएको छ । उहाँ सल्लाहकार र विशेष कमिटीमा हुनुहुन्छ,’ गजुरेलले अनलाइनखबरसँग भने ।

पुष्पकमल दाहाल नेतृत्वको माओवादीसँग विद्रोह गरी २०६९ सालमा मोहन वैद्यको नेतृत्वमा नयाँ पार्टी ‘नेकपा- माओवादी’ बनेको थियो ।

२०८१ मंसिरमा भएको एकता महाधिवेशनबाट बनेको क्रान्तिकारी कम्युनिष्ट पार्टीको महासचिव बनेका थिए ।