२०८२ कात्तिक ३ गते ८:३८ 
News Summary
Generated by OK AI. Editorially reviewed.- रियल मड्रिडले केलिएन एमबाप्पेको ८०औं मिनेटको गोलमा गेटाफेलाई १-० ले पराजित गरेको छ।
- यो जितपछि रियल मड्रिड ९ खेलबाट २४ अंकसहित ला लिगाको शीर्ष स्थानमा उक्लिएको छ।
- गेटाफेका दुई खेलाडीले रातो कार्ड पाएपछि उनीहरू ९ खेलाडीमा सीमित भएर खेलको अन्त्यत गरेका थिए।
३ कात्तिक, काठमाडौं । केलिएन एमबाप्पेको एक मात्र गोलमा रियल मड्रिडले स्पानिस ला लिगामा गेटाफेलाई १-० ले पराजित गरेको छ । यो जितपछि रियल फेरि शीर्ष स्थानमा उक्लिएको छ ।
गेटाफेका दुई खेलाडीले रातो कार्ड पाएको खेलमा एमबाप्पेले ८0औं मिनेटमा विजयी गोल गरेका थिए । उनले अर्दा गुलेरको पासमा गोल गरे ।
गेटाफेका एलान नायोमले ७७औं मिनेटमा रातो कार्ड पाएपछि दश खेलाडीमा समेटिएको थियो । रियलका भिनिसियस जुनियरला२ फल गरेपछि नायोम मैदान प्रवेश गरेको ४० मिनेटमै रातो कार्ड सामना गर्दै बाहिरिएका हुन्। त्यसको फाइदा उठाउँदै रियलले गोल गरेको थियो ।
यस्तै एलान सानक्रसले पनि ८४औं मिनेटमा रातो कार्ड पाएपछि गेटाफेले ९ खेलाडीमा रहेर खेलको अन्त्यत गरेको थियो ।
जितपछि रियल मड्रिड ९ खेलबाट २४ अंक जोडेर शीर्ष स्थानमा उक्लेको हो । समान खेलबाट २२ अंकसहित बार्सिलोना दोस्रो स्थानमा छ ।
रियल र गेटाफेबीचको खेल सुरु भएपछि दुवै टोलीका खेलाडीहरु १५ सेकेण्डसम्म मुभ नभई बसेका थिए ।
डिसेम्बरमा भियारियाल र बार्सिलोनाबीचको ला लिगाको खेल अमेरिकामा गराउने निर्णयको विरोध भइरहेकोले रियल र गेटाफेबीचको खेलअघि पनि त्यो देखिएको हो ।
प्रतिक्रिया 4