२०८२ कात्तिक ९ गते २२:५८ 
News Summary
Generated by OK AI. Editorially reviewed.- आर्सनलले प्रिमियर लिगमा क्रिस्टल प्यालेसलाई १-० ले पराजित गरेको छ ।
- प्यालेसकै पूर्व खेलाडी एबेरेची एजेले खेलको ३९औं मिनेटमा गोल गर्दै आर्सनललाई अग्रता दिलाएका थिए ।
- आर्सनलले ९ खेलबाट २२ अंक जोड्दै शीर्ष स्थानमा ४ अंकको अग्रता बनाएको छ ।
९ कात्तिक, काठमाडौं । एबेरेची एजेले पूर्व क्लबविरुद्ध गोल गर्दा आर्सनलले प्रिमियर लिगमा आइतबार क्रिस्टल प्यालेसलाई १-० ले पराजित गरेको छ ।
प्यालेसका पूर्व खेलाडी एजेले खेलको ३९औं मिनेटमा गोल गर्दै आर्सनललाई अग्रता दिलाएका थिए । त्यही गोल निर्णायक बन्दा आर्सनलले ३ अंक जोड्यो ।
जितपछि ९ खेलबाट २२ अंक जोडेको आर्सनलले शीर्ष स्थानमा ४ अंकको अग्रता बनाएको छ ।
दोस्रो स्थानको एएफसी बर्नमाउथको समान खेलबाट १८ अंक छ । आइतबारै भएको खेलमा बर्नमाउथले नटिङहङ्ग फरेस्टलाई २-० ले पराजित गर्दै दोस्रो स्थानमा उक्लेको हो ।
म्यानचेष्टर सिटी भने एस्टन भिल्लासँग १-० ले पराजित भएको छ । यो हारपछि सिटीले दोस्रो स्थानमा उक्लने मौका पनि गुमाएको छ । भिल्लाका लागि डिफेण्डर म्याटी कासले १९औं मिनेटमा गरेको गोल निर्णायक बनेको थियो ।
हारपछि सिटी ९ खेलबाट १९ अंकसहित चौथो स्थानमै छ । एस्टन भिल्ला ९ खेलबाट १५ अंक जोडेर आठौं स्थानमा उक्लेको छ ।
प्रतिक्रिया 4