२०८२ कात्तिक १२ गते १६:५२ 
News Summary
Generated by OK AI. Editorially reviewed.- नेपाली राष्ट्रिय महिला फुटबल टिमकी डिफेन्डर पूजा रानाले बंगलादेशको नसरिन स्पोर्ट्स क्लबबाट साफ महिला क्लब च्याम्पियनसिप खेल्ने भएकी छन्।
- नसरिन स्पोर्ट्स क्लबले पूजा रानालाई अनुबन्ध गरेको सामाजिक सञ्जालमा बुधबार पोस्ट राखेर जनाएको छ।
- प्रतियोगिता डिसेम्बर ५ देखि सुरु हुनेछ र पाँच देशका क्लबहरू सहभागी हुनेछन्।
१२ कात्तिक, काठमाडौं । नेपाली राष्ट्रिय महिला फुटबल टिमकी डिफेन्डर पूजा रानाले आसन्न साफ महिला क्लब च्याम्पियनसिपमा बंगलादेशको नसरिन स्पोर्ट्स क्लबबाट खेल्ने भएकी छन् ।
क्लबले बुधबार सामाजिक सञ्जालमा पोस्ट राख्दै पूजा रानालाई च्याम्पियनसिपका लागि अनुबन्ध गरिएको जनाएको हो । क्लबले ऐतिहासिक साइनिङ भन्दै पूजालाई अनुबन्ध गरिएको जनाएको हो ।
पूजाले हाल भुटानको ट्रान्सपोर्ट युनाइटेड लेडिजबाट व्यवसायिक फुटबल खेल्दै आएकी छन् । उनी नेपाली टोलीकी नियमित सदस्य हुन् ।
‘पूजाले आफ्नो अनुभव, सिर्जनात्मक खेल र लडाकु भावना सहित नासरिन स्पोर्ट्स एकेडेमीलाई आगामी सिजनमा अझ सबल बनाउनेछिन्’ क्लबले भनेको छ ।
प्रतियोगिता डिसेम्बर ५ देखि सुरु हुनेछ । उद्घाटन खेलमा पाकिस्तानको कराँची सिटी एफसी र भुटानको ट्रान्सपोर्ट युनाइटेड लेडिज एफसीबीच प्रतिस्पर्धा हुनेछ।
प्रतियोगितामा दक्षिण एसियाका पाँच देशका क्लबहरू : बंगलादेशको नस्रिन स्पोर्ट्स एकेडेमी, भुटानको ट्रान्सपोर्ट युनाइटेड लेडिज एफसी, भारतको इस्ट बंगाल एफसी, नेपालको एपीएफ फुटबल क्लब र पाकिस्तानको कराची फुटबल क्लब सहभागी रहेका छन्।
राउन्ड रोबिन लिगमा खेलाइने प्रतियोगिताको शीर्ष २ मा रहने टोलीबीच उपाधिका लागि भिडन्त हुनेछ ।
प्रतिक्रिया 4