२०८२ कात्तिक १२ गते १७:४६ 
News Summary
Generated by OK AI. Editorially reviewed.- होटल मिस्टिक माउन्टेनको आयोजनामा होटल मिस्टिक माउन्टेन ग्रान्ड ओपन टेनिस प्रतियोगिता कात्तिक १८ गतेदेखि हुने भएको छ ।
- प्रतियोगितामा ७ उमेरसमूह र २ खुला गरी कूल १६ स्पर्धा समावेश छ ।
- नेपाल टेनिस संघको सहयोगमा हुने प्रतियोगिता सातदोबाटोस्थित टेनिस कोर्टमा हुनेछ ।
२ कात्तिक, काठमाडौं । होटल मिस्टिक माउन्टेनको आयोजनामा होटल मिस्टिक माउन्टेन ग्रान्ड ओपन टेनिस प्रतियोगिता कात्तिक १८ गतेदेखि हुने भएको छ ।
पाँच दिन सञ्चालन हुने प्रतियोगिताका खेलहरु सातदोबाटोस्थित टेनिस कम्प्लेक्समा खेलाइनेछ ।
प्रतियोगितामा ७ उमेरसमूह र २ खुला गरी कूल १६ स्पर्धा समावेश गरिएको प्रतियोगिता संयोजक सूर्यभूषण वज्राचार्यले जनाएका छन् । जसमा करिब २ सय खेलाडीको सहभागिता रहने छ ।
यु–८, यु–९, यु–१०, यु–१२, यु–१४ र यु–१६ ब्वाइज-गर्ल्स सिंगल्स तथा यु-१६ ब्वाइज-गर्ल्स डबल्समा खेल हुनेछ । यस्तै खुलामा पुरु र महिला सिंगल्समा प्रतिस्पर्धा हुनेछ ।
दोश्रो संस्करणमा उमेरसमूहको स्पर्धालाई निरन्तरता दिदै खुला स्पर्धा थप गरिएको हो । सबै स्पर्धामा नगद पुरस्कार राखिएको छ ।
नेपाल टेनिस संघको सहयोग तथा जुनियर टेनिस इनिसिएटिभ (जेटीआई) को संयोजनमा हुन लागेको प्रतियोगिताको कुल पुरस्कार राशी २ लाख ७८ हजार रुपैयाँ रहेको छ ।
पहिलो संस्करणको पुरस्कार राशीमा दोब्बर भन्दा बढीले बृद्धि गरिएको हो । पहिलो संस्करणको कुल पुरस्कार राशी १ लाख ११ हजार रुपैयाँ रहेको थियो । प्रतियोगिताको बजेट करिब ६ लाख रहेको आयोजकले जनाएको छ ।
प्रतिक्रिया 4