२०८२ कात्तिक १६ गते ७:०४ 
News Summary
Generated by OK AI. Editorially reviewed.- न्युजिल्यान्डका स्टार क्रिकेटर केन विलियमसनले टी–२० अन्तर्राष्ट्रिय क्रिकेटबाट सन्यास लिएका छन्।
- विलियमसनले ९३ खेलमा २५७५ रन बनाएर दोस्रो सर्वाधिक रनकर्ता हुन् र दुई पटक टी–२० विश्वकप सेमिफाइनल पुर्याएका छन्।
- उनले भने, 'यो सही समय हो मेरो र टोली दुवैका लागि' र अब नयाँ प्रतिभाहरूलाई मौका दिन चाहन्छन्।
१६ कात्तिक, काठमाडौं । न्युजिल्यान्डका स्टार क्रिकेटर केन विलियमसनले टी–२० अन्तर्राष्ट्रिय क्रिकेटबाट सन्यास लिएका छन्।
३५ वर्षीय विलियमसनले ९३ खेल खेल्द न्युजिल्यान्डका लागि दोस्रो सर्वाधिक रन बनाउने खेलाडी हुन् । उनले ३३ को औसतमा २५७५ रन बनाएका छन् जसमा १८ अर्धशतक छ भने उच्च स्कोर ९३ को छ ।
कप्तानका रूपमा उनले ७५ खेलमा टोलीलाई नेतृत्व गरे र टोलीलाई दुई पटक टी–२० विश्वकप सेमिफाइनल (२०१६, २०२२) र एक पटक फाइनल (२०२१) सम्म पुर्याए।
‘यो सही समय हो मेरो र टोली दुवैका लागि’ विलियमसनले भने, ‘अब नयाँ प्रतिभाहरूका लागि मौका छ। सान्टनर उत्कृष्ट कप्तान हुन् र म टाढाबाट समर्थन गर्नेछु।’
विलियमसन अब नोर्दर्न डिस्ट्रिक्ट्सका लागि प्लन्केट सिल्डमा खेल्नेछन् र त्यसपछि डिसेम्बर २ देखि क्राइस्टचर्चमा सुरु हुने पश्चिम इन्डिजविरुद्धको टेस्ट सिरिजमा ध्यान दिनेछन्।
उनी ओडिआई र टेस्ट करियरबारे खुला मनस्थितिमा रहेको बताउँछन्। ‘ब्ल्याकक्याप्स मेरो लागि विशेष टोली हो। म अझै पनि बोर्डसँग छलफल गर्दै अघि बढ्नेछु’ उनले भने।
अन्तर्राष्ट्रिय टी–२० क्रिकेटबाट सन्यास लिए पनि विलियमसन टी–२० फ्रेन्चाइज प्रतियोगिताहरूमा भने खेलिरहनेछन्।
प्रतिक्रिया 4