७ प्रकारका भेगन दूध, जुन पचाउन र बनाउन सजिलो हुन्छ

दूधमा प्रोटिन र क्याल्सियम जस्ता दुई मुख्य पोषक तत्वहरू हुने भएकाले यसलाई पूर्णआहार मानिन्छ । प्रोटिनले शरीरमा मांसपेशीहरूको मर्मत र रोग प्रतिरोधी प्रणालीलाई बलियो बनाउने काम गर्छ, भने क्याल्सियम हड्डीहरूका लागि आवश्यक हुन्छ । तर कहिलेकाहीँ जब हामीलाई शुद्ध दूध उपलब्ध हुँदैन, हामी वैकल्पिक दूधको खोजीमा लाग्छौँ ।

वैकल्पिक दूधमा बदाम, केरा र सेतो तिलबाट बनेको दूध हुन सक्छ । यिनको सेवनले क्याल्सियम र प्रोटिनको आवश्यकता लगभग पूरा हुन्छ । गाई वा भैंसीको दूध पचाउन गाह्रो हुने ल्याक्टोज इन्टोलेरेन्स भएका व्यक्तिहरूका लागि पनि यी दूध लाभदायक हुन्छन् । यी दूधहरू भेगन आहार पछ्याउनेहरूका लागि उत्कृष्ट विकल्प हुन् ।

१.आल्मन्ड दूध

सबैलाई थाहा छ, रातभर भिजाएको एक मुठी आल्मन्ड स्वास्थ्यका लागि निकै लाभदायक हुन्छ । तर यदि भिजाएको अल्यमन्डबाट दूध बनाएर पिउन चाहनुहुन्छ भने त्यो पनि गर्न सकिन्छ । आल्मन्डमा प्रोटिन र क्याल्सियमका साथै ओमेगा–३ र फाइबर पनि प्रशस्त हुन्छ ।

आल्मन्ड दूध बनाउन आवश्यक सामग्री

-एक मुठी भिजाएको आल्मन्ड

-५००–७५० मिलिलिटर तातोपानी

-२–३ खजूर वा १–२ चम्चा किसमिस वा १०–२० ग्राम गुड मिठासका लागि । यो नहाल्न पनि सकिन्छ ।

बनाउने तरिका

-आल्मन्डलाई रातभर पानीमा भिजाएर राख्ने ।

-बिहान पानीबाट निकालेर बोक्रा हटाउने ।

-तातो पानीसँगै ग्राइन्डरमा राखेर पिस्ने । पिस्दा खजूर वा किसमिस पनि हाल्न सकिन्छ

-पिसेपछि कपडाले छान्ने ।

-गर्मीमा पिउनका लागि चिसो पानीसँग पनि पिस्न सकिन्छ ।

-फ्रिजमा करिब एक घण्टा राखेर चिसो बनाएर पनि पिउन सकिन्छ ।

२. नरिवल दूध

यदि काँचो नरिवलको स्वाद मन पर्छ भने, यसको दूध पनि बनाउन सकिन्छ । यो दूध पचाउन गाह्रो हुनेहरूका लागि राम्रो विकल्प हो ।

नरिवल दूध बनाउन आवश्यक सामग्री

-१०० ग्राम नरिवल

-१००–१५० मिलिलिटर तातोपानी

-२–३ खजूर वा १–२ चम्चा किशमिश वा १०–२० ग्राम गुड मिठासका लागि, वैकल्पिक ।

बनाउने तरिका

-नरिवललाई कोरेर सानो सानो टुक्रा बनाउने ।

-अब ग्राइन्डर जारमा राखेर पिस्ने, बीच–बीचमा पानी हाल्दै जाने ।

-राम्ररी पिसेपछि छान्ने र पिउने ।

-गर्मीमा बनाउँदा आफ्नो इच्छाअनुसार चिसो बनाएर पिउन सकिन्छ ।

३. ओट्स दूध

तौल घटाउन र भेगन आहार पछ्याउनेहरूका लागि ओट्स जौको दूध निकै लाभदायक हुन्छ ।

ओट्स दूध बनाउन आवश्यक सामग्री

-१ कप ओटमिल

-३ गिलास पानी

ओट्सको मात्रा जति लिइन्छ, पानी त्यसको तिन गुणा हुनुपर्छ ।

बनाउने तरिका

-ओटमिललाई ग्राइन्डर जारमा राखेर पिस्ने ।

-पानी हाल्दै सेतो नहुन्जेल पिसिरहने ।

-राम्ररी पिसेपछि सूती कपडाले छान्ने ।

-ओट्स दूध तयार भयो चिसो वा तताएर प्रयोग गर्न सकिन्छ ।

४. बदाम दूध

-बदामको दूध बनाउन अंकुरित बदामको प्रयोग गर्नुपर्छ, किनकि यसमा प्रोटिन र भिटामिनको मात्रा बढ्छ ।

-बदाम दूध बनाउन आवश्यक सामग्री

आधा कप बदाम

५०० मिलिलिटर तातोपानी

२–३ खजूर वा १–२ चम्चा किसमिस वा १०–२० ग्राम गुड मिठासका लागि (वैकल्पिक) ।

बनाउने तरिका

-बदामलाई रातभर दुई कप पानीमा भिजाएर राख्ने ।

-भोलिपल्ट पानीबाट निकालेर बोक्रा हटाउने ।

-ग्राइन्डर जारमा राखेर तातो पानीसँग मसिनो गरी पिस्ने ।

-पिस्दा खजूर वा किसमिस मिसाउने ।

-कपडाले छानेपछि दूध तयार हुन्छ ।

-इच्छाअनुसार चिसो, तातो बनाएर पिउने

५ सोया दूध

प्रोटिनको कमी भएका र ल्याक्टोज इन्टोलेरेन्स भएका व्यक्तिहरूका लागि यो निकै लाभदायक हुन्छ ।

-सोया दूध बनाउन आवश्यक सामग्री

-आधा कप भटमास

-५०० मिलिलिटर तातो पानी

बनाउने तरिका

-भटमासलाई रातभर पानीमा भिजाएर राख्ने ।

-बिहान राम्ररी धुने ।

-हातले माडेर बोक्रा हटाउने ।

-ग्राइन्डर जारमा राखेर पानीसँग मुलायम हुन्जेल पिस्ने ।

-नरम कपडाले छान्ने ।

-तयार दूधलाई कम तापमा १० मिनेटसम्म पकाउने

-मिश्रण बाक्लो लागेमा पानी थप्ने ।

-पकाएपछि १–२ घण्टा सामान्य तापमानमा राख्ने ।

-फ्रिजमा राखेर चिसो बनाउन पनि सकिन्छ ।

-दूध तताएपछि पिउँदा गुड हाल्न सकिन्छ ।

६. तिलको दूध

प्रोटिन र क्याल्सियमले भरिपूर्ण तिलले धेरै फाइदा पुर्‍याउँछ । यसमा ओमेगा–३ फ्याटी एसिड पनि हुन्छ, जुन मुटुको स्वास्थ्यका लागि आवश्यक हुन्छ । यो भेगन र पचाउन सजिलो हुन्छ ।

तिलको दूध बनाउन आवश्यक सामग्री

-आधा कप तिल

-५०० मिली तातो पानी

-२–३ खजूर वा १–२ चम्चा किसमिस वा १०–२० ग्राम गुड मिठासका लागि, वैकल्पिक ।

बनाउने तरिका

-तिललाई रातभर पानीमा भिजाएर राख्ने

-बिहान राम्ररी धुने ।

-ग्राइन्डर जारमा राखेर २–३ खजूरसँग पिस्ने

-पानी हाल्दै मुलायम पेस्ट बनाउने ।

-एक गिलासमा दुई चम्चा पेस्ट राखेर तातो पानी मिसाउने ।

-चिसो पानीसँग पनि बनाउन सकिन्छ ।

७. केरा दूध

-केरा पोटासियमको राम्रो स्रोत हो, जुन मुटुलाई स्वस्थ राख्न सहयोगी हुन्छ ।

केरा दूध बनाउन आवश्यक सामग्री

-१ पाकेको केरा

-१ कप पानी

-२–३ खजूर वा १–२ चम्चा किशमिश मिठासका लागि, वैकल्पिक ।

बनाउने तरिका

-केरालाई बोक्रा हटाएर पानीसँग मिक्सरमा राख्ने र मसिनो गरी पिस्ने ।

-स्वादिष्ट बनाउन भेनिला वा दालचिनी पाउडर र खजूर वा किसमिस हाल्न सकिन्छ ।