सुशान्तले पूरा गरे बचन : ‘भ्वाइस किड्स’ स्टार अस्मी, यशस्वीसँग ल्याए ‘तबाही’

News Summary

Generated by OK AI. Editorially reviewed.

युवापुस्ताका चर्चित गायक सुशान्त केसीले टिभी रियालिटी शो ‘भ्वाइस किड्स’को दोस्रो सिजनमा कोच भएर प्रतिबद्धता पूरा गरेका छन्।
उनको टिमका अस्मी खवास र यशस्वी खड्कालाई लिएर सुशान्तले नयाँ गीत 'तबाही' तयार पारेका छन्।
गीतमा सुशान्तको लेखन, निर्माण र प्रस्तुति रहेको छ र अस्मी र यशस्वी फिचर्ड छन्, जसले सामाजिक सञ्जालमा उत्कृष्ट प्रतिक्रिया पाएको छ।

काठमाडौं । युवापुस्ताका चर्चित गायक सुशान्त केसीले आफूले गरेको सांगीतिक प्रतिबद्धता पूरा गरेका छन् ।

टिभी रियालिटी शो ‘भ्वाइस किड्स’को दोस्रो सिजनमा केसी कोचको रुपमा थिए । उनको टिमबाट अस्मी खवास र यशस्वी खड्काले प्रतिस्पर्धा गरेका थिए । दुबैले भ्वाइसको प्लाटफर्ममा सांगीतिक छाप पनि छाडे ।

ती दुई बालगायिकाको प्रस्तुतिले सुशान्त प्रभावित नहुने कुरै भएन । तर, उपाधि नजितेपनि उनीहरूले सबैको मन जिते । उनीहरू फाइनलमै बाहिरिनुपर्‍यो ।

त्यतिबेला कोच सुशान्तले प्रतिबद्धता जनाएका थिए- दुवैलाई लिएर एउटा गीत तयार पार्ने । उक्त प्रतिबद्धताअनुसार नै सुशान्तले नयाँ गीत ल्याएका छन्- तबाही ।

सुशान्तको लेखन, निर्माण र प्रस्तुति रहेको गीतमा अस्मी र यशस्वी फिचर्ड छन् । यो गीतले युट्युब र सामाजिक सञ्जालमा उत्कृष्ट प्रतिक्रिया प्राप्त गरिरहेको छ ।

अहिले ‘भ्वाइस अफ नेपाल’को सातौं सिजन चलिरहेको छ ।