अस्मिता र महेशले टुंग्याए अमेरिका टूर, १५ सहरमा दिए प्रस्तुति

News Summary

Generated by OK AI. Editorially reviewed.

महेश काफ्ले र अस्मिता अधिकारीको 'सोलफुल युएसए म्यूजिकल यात्रा' १५ अमेरिकी सहरमा सम्पन्न भएको छ।
यो सांगीतिक टूर दुई महिना भन्दा बढी समय भर्जिनिया, टेक्सास, फ्लोरिडा, नर्थ क्यारोलाइना, पेन्सिलभेनिया, मेरिल्यान्ड लगायतका राज्यमा आयोजना गरिएको थियो।
भर्जिनियाको एसबर्नमा दसैँ तिहार फेस्टिभल र टेक्सासको ड्यालसमा मःम फेस्टिभलमा १५ हजार भन्दा बढी दर्शक सहभागी भएका थिए।

काठमाडौं । चर्चित साङ्गीतिक जोडी महेश काफ्ले र अस्मिता अधिकारीको ‘सोलफुल युएसए म्यूजिकल यात्रा’ सम्पन्न भएको छ ।

यो जोडीले १५ अमेरिकी सहरमा प्रस्तुति दिए ।

‘थ्रीई इन्टरटेन्मेन्ट’ले गायन जोडीलाई फिचर्ड गर्दै आयोजना गरेको उक्त सांगीतिक टूर २ महिना भन्दा बढी समय त्यहाँको भर्जिनिया, टेक्सास, फ्लोरिडा, नर्थ क्यारोलाइना, पेन्सिलभेनिया, मेरिल्यान्ड लगायतका राज्यमा आयोजना गरिएको थियो ।

भर्जिनियाको एसबर्नमा आयोजित दसैँ तिहार फेस्टिभल र टेक्सासको ड्यालसमा आयोजित मःम फेस्टिभलमा गरिएका प्रस्तुतिलाई हेर्न १५ हजार भन्दा धेरै संख्यामा दर्शकको उपस्थिती रहेको आयोजक संस्थाका सुरेश सापकोटाले जनाए ।

टूर सफलतापूर्वक सम्पन्न भएको र दर्शकले महेश र अस्मिताको जोडीलाई निकै रुचाएको आयोजकले बताए ।

परदेशमा रहेका नेपालीसँग तीज, दशैंतिहारजस्ता महत्वपूर्ण चाड मनाउँदै प्रस्तुति दिन रमाइलो भएको अस्मिता र महेशले बताए ।