२०८२ कात्तिक २० गते १२:५० 
News Summary
Generated by OK AI. Editorially reviewed.- जनकपुर बोल्ट्सले नेपाली चलचित्रका सुपरस्टार निखिल उप्रेतीलाई नेपाल प्रिमियर लिगको दोस्रो सिजनका लागि गुडबिल एम्बासडर नियुक्त गरेको छ।
- निखिल उप्रेतीले प्याराग्लाइडिङ स्टण्ट गर्दै गुडबिल एम्बासडर घोषणा गरिएको जनकपुर बोल्ट्सले जनाएको छ।
- निखिल उप्रेतीले भने, ‘जनकपुर बोल्ट्स केवल एउटा टोली होइन, यो जनकपुर र सम्पूर्ण मधेशको गौरव हो ।’
२० कात्तिक, काठमाडौं । नेपाल प्रिमियर लिग (एनपीएल) को दोस्रो सिजनका लागि जनकपुर बोल्ट्सले नेपाली चलचित्रका सुपरस्टार निखिल उप्रेतीलाई गुडविल एम्बासडर नियुक्त गरेको छ ।
जनकपुरले निखिल उप्रेतीलाई प्याराग्लाइडिङ स्टण्ट गराउँदै गुडबिल एम्बासडर घोषणा गरेको हो ।
यसले जनकपुर बोल्ट्सको आत्मा, साहस, दृढता र विजयको भावनालाई जीवन्त रूपमा प्रस्तुत गरेको जनकपुर बोल्टले जनाएको छ । उनको यो प्रदर्शनले टोलीको नारा ब्युटी फर भिक्ट्रीला२ नयाँ उचाईमा पुर्याएको टिमको विश्वास छ ।
यो साझेदारीले खेल, कला र प्रेरणाको शक्तिलाई एकै ठाउँमा जोड्दै जनकपुर बोल्ट्सको ब्रान्ड र पहिचानलाई अझ सशक्त बनाउने विश्वास टोलीले व्यक्त गरेको छ ।
गुडबिल एम्बासडर नियुक्त भएपछि निखिल उप्रेतीले उत्साह व्यक्त गर्दै भने, ‘जनकपुर बोल्ट्स केवल एउटा टोली होइन, यो जनकपुर र सम्पूर्ण मधेशको गौरव हो । यस टोलीसँग जोडिन पाउनु मेरो लागि सम्मानको विषय हो, उप्रेतीले भने, ‘विजयको आत्मा हरेक नेपालीमा बसोबास गर्छ, र म त्यो आत्मालाई जनकपुर बोल्ट्ससँग मिलेर जगाउन चाहन्छु ।’
जनकपुर बोल्ट्सका जनरल म्यानेजर निरोज खतिवडाले भने, ‘निखिल उप्रेती नेपाली युवाहरूका लागि साहस र दृढताको प्रतीक हुन् । उनको देशप्रेम, अनुशासन र सकारात्मक ऊर्जा हाम्रो टोलीको मूल्य र दर्शनसँग मेल खान्छ । हामी उहाँलाई हाम्रो गुडबिल एम्बासडरको रूपमा स्वागत गर्न गर्व महसुस गर्छौं ।’
यो साझेदारीले जनकपुर बोल्ट्सलाई केवल खेल मैदानमा होइन, समाजमा प्रेरणाको स्रोतका रूपमा पनि अघि बढाउने टिमको अपेक्षा छ ।
साविक विजेता जनकपुर बोल्ट्सले दोस्रो संस्करणमा उपाधि रक्षा गर्ने लक्ष्यसहित तयारी तिव्र बनाएको छ ।
प्रतिक्रिया 4