‘जेरी अन टप’ बन्यो २०८२ सालको धेरै कमाउने नेपाली फिल्म, ‘ऊनको स्विटर’ लाई उछिन्यो

News Summary

Generated by OK AI. Editorially reviewed.

फिल्म 'जेरी अन टप' २०८२ सालमा कात्तिकसम्म सर्वाधिक कमाउने घरेलु फिल्म बनेको छ।
'जेरी अन टप' ले ११ करोड ५३ लाख नेरु ग्रस कमाएको छ, जुन 'ऊनको स्विटर'को ११ करोड ४१ लाख नेरु ग्रसलाई उछिन्दै छ।
चलचित्र विकास बोर्डले यी कलेक्सनको पुष्टि गरेको छ र दुवै फिल्म प्रेमकथामा आधारित छन्।

काठमाडौं । अनमोल केसी स्टारर फिल्म ‘जेरी अन टप’ २०८२ सालमा (कात्तिकसम्म) सर्वाधिक कमाउने घरेलु फिल्म बनेको छ ।

२६ बैशाखमा रिलिज भएको विपिन कार्की स्टारर ‘ऊनको स्विटर’को कूल ब्यापारलाई उछिन्दै सुयोग गुरुङ निर्देशित पर्वतीय ड्रामाले उत्कृष्ट कमाइ गरेको हो ।

शुक्रबार मध्यान्हसम्म सिनेपाः बक्सअफिसमा ‘जेरी अन टप’ को कमाइ ११ करोड ५३ लाख नेरु ग्रस छ । ‘ऊनको स्विटर’को लाइफटाइम कलेक्सन ११ करोड ४१ लाख नेरु ग्रस थियो ।

चलचित्र विकास बोर्डले कलेक्सनको पुष्टि गरेको छ ।

रोचक के छ भने- यी दुवै लभस्टोरी फिल्म हुन् । यसको अर्थ, यसवर्ष दर्शकले प्रेमकथाका फिल्मलाई रुचाएका छन् ।

गरिबी, विपन्नता र अभावको ग्रामीण कथावस्तुका फिल्मको बाढी आउँदा यी दुई फिल्मले भने भिन्न सेटिङ र आञ्चलिकतामा प्रेमकथा पस्किएका थिए ।

‘जेरी अन टप’ १० करोड ग्रस कमाउने अनमोलको पहिलो फिल्म बनेको छ ।