साम्राज्ञीका हुनेवाला श्रीमान विशाल खरेल को हुन् ? कसरी नजिक भए ?

News Summary

Generated by OK AI. Editorially reviewed.

अभिनेत्री साम्राज्ञी शाहले इन्स्टाग्राममा ‘एस प्लस बी’ लेखेर आफूले इन्गेजमेन्ट गरेको जानकारी दिएकी छन्।
उनकी मंगेतर मोडल तथा अभिनेता विशाल खरेल हुन्, जो ५ वर्षअघि रिलिज भएको फिल्म ‘प्रेम दिवस’ मा अभिनय गरेका थिए।
साम्राज्ञी र विशालले थाइल्याण्डमा छायांकन गरिएको दुई म्युजिक भिडियोमा अभिनय गर्दा नजिक भएका थिए र सम्बन्धलाई गुपचुप राख्दै आएका थिए।

काठमाडौं । अभिनेत्री साम्राज्ञी शाह मंगलबार जन्मदिन मनाउँदैछिन् । यस्तोमा, आफूले इन्गेजमेन्ट गरेको खबरमार्फत उनले प्रशंसक र सेलिब्रेटीलाई सरप्राइज दिएकी छन् ।

इन्स्टाग्राममा साम्राज्ञीले ‘एस प्लस बी’ अक्षरमार्फत आफूले इन्गेजमेन्ट गरेको जनाएकी छन् ।

उनले सेयर गरेको फोटोमा उनका फियन्सेको अनुहार स्पष्ट देखिँदैन । त्यसमाथि क्याप्सनमा ‘बी’ मात्र लेखेकी छिन् । यस्तोमा, धेरैलाई ती युवक को हुन् भन्ने कुरामा जिज्ञासा हुनसक्छ ।

उनी हुन्- मोडल तथा अभिनेता विशाल खरेल ।

५ वर्षअघि रिलिज भएको कथानक फिल्म ‘प्रेम दिवस’ मा उनले अभिनय गरेका थिए । त्यसपछि उनी परिवारसहित अमेरिका गए । उनले अमेरिकामै व्यवसाय गर्दै आइरहेका छन् ।

साम्राज्ञी र विशालले पछिल्लो एकवर्षमा रिलिज भएका दुई म्युजिक भिडियोमा अभिनय समेत गरेका थिए । थाइल्याण्डमा छायांकन गरिएको ‘हारेँ हारेँ’ र ‘मालती’ म्युजिक भिडियोमा उनीहरूले मोडलिङ गरेका छन् ।

स्रोतका अनुसार, यी दुई म्युजिक भिडियोमा काम गर्ने क्रममा साम्राज्ञी र विशाल नजिक भएका हुन् ।

झण्डै एकवर्षअघि यी दुईले ती म्युजिक भिडियोमा काम गरेका थिए । सम्बन्धलाई यी दुईले गुपचुप राख्दै आएका थिए ।

साम्राज्ञी र विशाल यो म्युजिक भिडियोमा काम गर्दा नजिक भएका थिए :