राष्ट्रियसभाको चुनाव लड्न एमाले तयार, प्रतिनिधिसभाबारे मौन

News Summary

Generated by OK AI. Editorially reviewed.

नेकपा एमालेले आगामी माघ ११ गते हुने राष्ट्रिय सभा सदस्यको निर्वाचन प्रयोजनका लागि दल दर्ता गरेको छ।
निर्वाचन आयोगका अनुसार राष्ट्रिय सभा सदस्यको निर्वाचन प्रयोजनका लागि सात वटा दल दर्ता भएका छन्।
फागुन २० मा १९ जना राष्ट्रिय सभा सदस्यको कार्यकाल सकिँदैछ, जसमा १८ स्थानका लागि निर्वाचन हुँदैछ।

५ मंसिर, काठमाडौं । नेकपा एमालेले राष्ट्रिय सभा सदस्यको निर्वाचन प्रयोजनका लागि दल दर्ता गरेको छ ।

राष्ट्रिय सभा सदस्यको निर्वाचन आगामी माघ ११ गते हुँदैछ । उक्त निर्वाचनमा माग लिन आयोगले यही माघ ७ गतेसम्म निर्वाचन प्रयोजनका लागि दल दर्ताको समय दिएको छ ।

निर्वाचन आयोगका प्रवक्ता नारायणप्रसाद भट्टराईका अनुसार राष्ट्रिय सभा सदस्यको निर्वाचन प्रयोजनका लागि सात वटा दल दर्ता भएका छन् ।

जसमा नेपाल मजदुर किसान पार्टी, बहुजन शक्ति पार्टी, नेपाली कम्युनिस्ट पार्टी, जनता समाजवादी पार्टी नेपाल, नेकपा एमाले र राष्ट्रिय जनमोर्चा रहेका छन् ।

यी दलहरूले आगामी माघ ११ गते हुने राष्ट्रिय सभाको निर्वाचनमा भाग लिन सक्नेछन् । राष्ट्रिय सभाको निर्वाचनमा स्थानीय तहका प्रमुख र उपप्रमुख तथा प्रदेश सभा सदस्य मतदाता हुन्छन् ।

५९ सदस्यीय राष्ट्रिय सभा स्थायी सदन हो । जहाँ एक तिहाइ सदस्यका लागि प्रत्येक दुई/दुई वर्षमा निर्वाचन हुन्छ ।

यो पनि पढ्नुहोस