पीडित भएकाले प्रतिनिधिसभा पुनर्स्थापनाको माग लिएर गयौं : नागिना यादव

News Summary

Generated by OK AI. Editorially reviewed.

नेपाली कांग्रेसका निवर्तमान सात सांसदले प्रतिनिधिसभा पुनर्स्थापनाको माग लिएर सर्वोच्च अदालतमा रिट दिएका छन्।
पूर्वमहान्यायाधिवक्ता खम्मबहादुर खातीले कांग्रेसका सात सांसदको वारेस लिएर सर्वोच्च पुगेका छन्।
पूर्वसांसद नागिना यादवले ‘पीडित पार्टी होइन, हामी हौं’ भनी अदालतमा आफूहरू पक्षमा रहेको बताएकी छन्।

२१ मंसिर, काठमाडौं । नेपाली कांग्रेसका निवर्तमान सात सांसद प्रतिनिधिसभा पुनर्स्थापनाको माग लिएर सर्वोच्च अदालत गएका छन् ।

कांग्रेसका निवर्तमान सात सांसदको वारेस सहित पूर्वमहान्यायाधिवक्ता खम्मबहादुर खाती सर्वोच्च पुगेका हुन् ।

विघटित प्रतिनिधिसभा कांग्रेस प्रमुख सचेतक श्याम घिमिरे, सचेतक सुशीला थिङ, सांसदहरू नागिना यादव, दीपक खड्का, जाबेदा खातुन र शान्ति विकको रिट सर्वोच्च अदालत गएका हुन् ।

संसद पुनर्स्थापनाको पक्षमा रहेकी पूर्व सांसद यादवले अनलाइनखबरसँग भनिन्, ‘पीडित पार्टी होइन । हामी हामी हौं । अदालतले पीडित आउनुपर्ने भनेको छ ।’

संसद्‌ पुनर्स्थापनाको पक्षमा ४५ जनाले हस्ताक्षर गरिसकेको दाबी गर्दै यादवले हाल ७ जना मात्रै अदालत गएको बताइन् । पुनर्स्थापनाको पक्षमा अन्य सांसदहरू पनि रहेको उनले बताइन् ।

यादवले भनिन्, ‘पार्टीले संसद्‌ विघटनलाई असंवैधानिक भनिसकेको हुँदा अदालत जान हामीलाई सजिलो पनि भयो । अदालत जान भनेर पार्टीले निर्णय गरेर गएका होइनौं ।’

प्रतिनिधिसभा पुनर्स्थापनाको पक्षमा यसअघि नेकपा एमाले पनि गइसकेको छ ।