‘गुलाबी साडी’ गायक सञ्जु राठोड पोखरामा गुञ्जिने

News Summary

Generated by OK AI. Editorially reviewed.

आउँदो शनिबार पोखराको खहरेस्थित क्लब क्याटवाकमा 'पोखरा विन्टर फेस्ट' हुने छ।
चर्चित भारतीय गायक सञ्जु राठोडले उक्त फेस्टमा प्रस्तुति दिने भएका छन्।
फेस्टमा एसटी म्यान र राजन केसीसहित अन्य कलाकारले पनि प्रस्तुति दिनेछन् र साँझ ८ बजे सुरु हुनेछ।

पोखरा । आउँदो शनिबार हुने ‘पोखरा विन्टर फेस्ट’मा चर्चित भारतीय गायक सञ्जु राठोडले प्रस्तुति दिने भएका छन् ।

लेकसाइडको खहरेस्थित क्लब क्याटवाकमा उक्त फेष्ट हुन लागेको हो । राठोडका गीतहरू गुलाबी सारी, सुन्दारी, गल्ती से मिस्टेक, चाल सिके सिके जस्ता गीत हिट छन् ।

उनी केही महिनाअघि पोखरा घुम्न आएका थिए । पोखरा मन परेका कारण सांगीतिक प्रस्तुति दिन पुनः पोखरामा आउन लागेको जनाइएको छ ।

फेस्टमा राठोडसँगै एसटी म्यान, राजन केसीसहित कलाकारले प्रस्तुति दिनेछन् । र्‍याप भर्स र लाइभ पर्फमेन्सका लागि चर्चित एसटी म्यानका बोमबे, सिनेमा, झोला ग्याङ जस्ता गीत चर्चित छन् ।

उदीयमान कलाकार केसीले फेस्टको सुरुआतमा प्रस्तुति दिनेछन् । फेस्ट साँझ ८ बजेबाट सुरु हुनेछ । फेस्टका लागि खल्तीमार्फत टिकट काट्न सकिनेछ ।

संगीत, र्‍याप, युवा ऊर्जा र विन्टर फेस्टिभलको भावना एकै ठाउँमा अनुभव गर्न चाहने जो–कोहीका लागि यो फेस्ट लाभदायी हुने प्रचारका सञ्चालक आशिष पुरीले जानकारी दिए ।