बुद्ध र गान्धीको दर्शनबाट उत्प्रेरित कथामा मनोज पण्डितले ‘ग्रेट’ निर्देशन गर्ने

News Summary

Generated by OK AI. Editorially reviewed.

चलचित्र 'ग्रेट'ले बुद्ध र महात्मा गान्धीको दर्शनबाट उत्प्रेरित भएर मानिसको महानता के मा हुन्छ भन्ने प्रश्नको उत्तर खोज्नेछ।
मनोज पण्डितको लेखन, निर्देशन तथा निर्माणमा बनेको 'ग्रेट'को छायांकन माघदेखि पर्वत जिल्लाको पैयुँ क्षेत्रमा सुरु हुनेछ।
चलचित्र विकास बोर्डले बुधबार 'ग्रेट'लाई निर्माणको इजाजत दिएको छ र यसमा मनोज पण्डित, विशाल पोखरेल लगायत कलाकारको अभिनय रहनेछ।

काठमाडौं । हिंसाको माध्यमबाट के शान्ति प्राप्त हुन्छ ? बुद्ध र महात्मा गान्धीको दर्शनबाट उत्प्रेरित भएर लेखिएको कथामा आधारित चलचित्र ‘ग्रेट’ ले मानिसको महानता के मा हुन्छ भन्ने प्रश्नको उत्तरको खोजी गर्छ ।

इन्डी फिल्म निर्माणको शैलीमा निर्माण हुने जनाइएको यो रोमान्चक ड्रामामा मनोज पण्डित, विशाल पोखरेल अग्रिम पण्डित, देवेन्द नेपाल, दीपक भट्टराई, रिश्ता अधिकारी लगायतका कलाकारको अभिनय रहनेछ ।

युधिष्ठिर सरस्वती क्रियसनस्को ब्यानरमा बन्ने फिल्मको छायांकन पर्वत जिल्लाको पैयुँ क्षेत्रमा माघदेखि सुरु हुनेछ । विवेक लामाले फिल्म छायांकन गर्नेछन् । मनोज पण्डितको लेखन निर्देशन तथा निर्माणमा चलचित्र बन्दैछ ।

लक्ष्य, दासढुंगा, बधशाला, छायाँ, खाग, एकपछि पण्डित निर्देशित यो सातौं फिल्म हुनेछ । बुधबार चलचित्र विकास बोर्डले यो फिल्मलाई निर्माणको इजाजत दिएको छ ।