अपराध अनुसन्धानमा सहयोग गरेपछि नेपाल प्रहरीले ईसेवालाई गर्‍यो सम्मान

News Summary

Generated by OK AI. Editorially reviewed.

नेपाल प्रहरीले ७० औं प्रहरी दिवसको अवसरमा पहिलो भुक्तानी सेवा प्रदायक कम्पनी ईसेवालाई साइबर सुरक्षा र अपराध अनुसन्धानमा योगदानका लागि सम्मान गरेको छ।
ईसेवाका प्रमुख कार्यकारी अधिकृत जगदिश खड्काले कम्पनीले प्रयोगकर्ताको व्यक्तिगत तथा वित्तीय सूचनाको सुरक्षा र नियामकीय अनुपालनमा निरन्तर प्रतिबद्धता जनाएको बताए।
उहाँले आगामी दिनमा ईसेवालाई थप ग्राहकमैत्री, सुरक्षित र भरपर्दो बनाउँदै डिजिटल अर्थतन्त्रको निर्माणमा योगदान दिइरहने प्रतिबद्धता व्यक्त गर्नुभयो।

१० पुस, काठमाडौं । नेपाल प्रहरीले पहिलो भुक्तानी सेवा प्रदायक कम्पनी ईसेवालाई सम्मान गरेको छ । शान्त र सुरक्षित समाज निर्माणमा प्रहरी कार्य, अपराध अनुसन्धानका साथै साइबर सुरक्षामा योगदान दिएका कारण ईसेवालाई कदर(पत्रद्वारा सम्मान गरिएको हो ।

७० औं प्रहरी दिवस २०८२ को अवसरमा बुधबार राजधानीमा आयोजित एक कार्यक्रममा ईसेवालाई उक्त कदर पत्र प्रदान गरिएको थियो ।

कदर पत्र ग्रहण गर्दै ईसेवाका प्रमुख कार्यकारी अधिकृत जगदिश खड्काले प्रयोगकर्ताको व्यक्तिगत तथा वित्तीय सूचनाको सुरक्षा, साइबर सुरक्षा तथा नियामकीय अनुपालनमा ईसेवा निरन्तर प्रतिबद्ध रहेको बताए । नेपाल प्रहरीको सम्मानले यसलाई थप पुष्टि गरेको उनको भनाइ छ ।

आगामी दिनमा ईसेवाका थप ग्राहकमैत्री, सुरक्षित र भरपर्दो बनाउँदै डिजिटल अर्थतन्त्रको निर्माणमा निरन्तर योगदान दिइरहने उनले प्रतिबद्धता जनाए ।