भेनेजुएलामा अमेरिकी हस्तक्षेपको नेमकिपाद्वारा भर्त्सना, मदुरो दम्पतीलाई तत्काल छाड्न माग

News Summary

Generated by OK AI. Editorially reviewed.

नेपाल मजदुर किसान पार्टीले अमेरिकाले भेनेजुएलामा गरेको सैन्य हस्तक्षेप भर्त्सना गरेको छ।
नेमकिपाले भेनेजुएलाका राष्ट्रपति निकोलस मदुरो दम्पत्तिको रिहाइ गर्न माग गरेको छ।
नेमकिपाले अमेरिकालाई संयुक्त राष्ट्रसंघको बडापत्रको कदर गर्न आह्वान गरेको छ।

२० पुस, काठमाडौं । नेपाल मजदुर किसान पार्टी (नेमकिपा) ले भेनेजुएलामा अमेरिकाले गरेको सैन्य हस्तक्षेपको भर्त्सना गरेको छ ।

साथै नेमकिपाले शनिबार राति २ बजे आफ्नै देशबाट गिरफ्तार गरिएका भेनेजुएलाका राष्ट्रपति निकोलस मदुरो दम्पतीको रिहाइ गर्न माग गरेको छ ।

पुस १८ र १९ गते बसेको नेमकिपाको केन्द्रीय परिषद् बैठकले भेनेजुएलामाथि आक्रमणको विरोध गरेको सचिव प्रेम सुवालले जानकारी दिए ।

भेनेजुएलाको तेल खानी कब्जा गर्न जननिर्वाचित राष्ट्रपति मदुरोलाई सत्ताच्यूत गर्न अमेरिकी प्रशासन लागिपरेको नेमकिपाको आरोप छ ।

सोही कारण सन् २०११ देखि नै अमेरिकाले भेनेजुएलामाथि आर्थिक र व्यापारिक प्रतिबन्ध लगाउँदै आएको नेमकिपाको ठहर छ ।

भेनेजुएलामा भइरहेको सैन्य हस्तक्षेप तत्काल रोक्न सचेत गराउँदै नेमकिपाले अमेरिकालाई संयुत्त m राष्ट्रसंघको बडापत्रको कदर गर्न आह्वान गरेको छ ।