रास्वपाका दीपक बोहरा कञ्चनपुर २ बाट उम्मेदवार सिफारिस

News Summary

Generated by OK AI. Editorially reviewed.

राष्ट्रिय स्वतन्त्र पार्टीका केन्द्रीय सदस्य दीपक बोहरा कञ्चनपुर क्षेत्र नम्बर २ बाट प्रतिनिधिसभा सदस्य निर्वाचनका लागि सिफारिस भएका छन्।
राष्ट्रिय स्वतन्त्र पार्टीले आगामी २१ फागुनमा हुने प्रतिनिधिसभा निर्वाचनका लागि उम्मेदवार सिफारिस गर्न जिल्ला समितिहरूलाई परिपत्र जारी गरेको थियो।
दीपक बोहराले सामाजिक सञ्जालमार्फत् आफूलाई सर्वसम्मत सिफारिस गरिएकोमा आभार व्यक्त गर्दै अन्य आकांक्षी घण्टी मित्रहरूको न्यायको पक्षमा उभिने बताए।

२३ पुस, काठमाडौं । राष्ट्रिय स्वतन्त्र पार्टीका केन्द्रीय सदस्य दीपक बोहरा प्रतिनिधिसभा सदस्य निर्वाचनका लागि कञ्चनपुर क्षेत्र नम्बर २ बाट सिफारिस भएका छन् ।

आगामी २१ फागुनमा हुने प्रतिनिधिसभा निर्वाचनका लागि रास्वपाले उम्मेदवार सिफारिस गर्न जिल्ला समितिहरूलाई परिपत्र जारी गरेको थियो । सोहीअनुसार बोहरा कञ्चनपुर २ बाट एकल सिफारिसमा परेका हुन् ।

‘कञ्चनपुर क्षेत्र नम्बर २ बाट रास्वपा उम्मेदवारका रूपमा मलाई सर्वसम्मत सिफारिस गर्नु भएकोमा आभारी छु,’ बोहराले आफ्नो सिफारिस भएकोबारे सामाजिक सञ्जालमार्फत् जानकारी दिँदै भनेका छन्, ‘पार्टी पंक्तिको यो विश्वास धर्मराउन दिने छैन । अन्य आकांक्षी घण्टी मित्रहरूको त्याग र उच्च सम्मान गर्नेछु र उहाँहरूको न्यायको पक्षमा सधैं उभिनेछु ।’