‘परान’ ले दर्शकको हातबाट केक काटेर मनायो ७५ औं दिन

News Summary

Generated by OK AI. Editorially reviewed.

नीर शाह स्टारर फिल्म 'परान'ले प्रदर्शनको ७५ औं दिनमा १७ करोड ७५ लाख रुपैयाँ ग्रस कलेक्सन गरेको छ।
फिल्म युनिटले सामाखुसीस्थित सिटी स्क्वायर सिनेमा हलमा दर्शकसँग भेटेर केक काटेर ७५ औं दिन मनाएको छ।
मंगलबारदेखि खल्ती एपबाट टिकट काट्ने दर्शकलाई ७५ रुपैयाँ छुट दिइएको छ र अर्जुन घिमिरे पाँडेले निर्देशन गरेका छन्।

काठमाडौं । नीर शाह स्टारर फिल्म ‘परान’ ब्लकबस्टर बन्ने बाटोतर्फ उन्मुख छ । पछिल्लो शनिबारसम्म फिल्मले १७ करोड ७५ लाख रुपैयाँ ग्रस कलेक्सन गरेको छ ।

मंगलबार फिल्मले प्रदर्शनको ७५ औं दिन मनाएको छ । फिल्म हेर्न पुगेका दर्शकको हातबाट केक काटेर फिल्मले यो उपलब्धि सेलिब्रेसन गर्‍यो ।

सामाखुसीस्थित सिटी स्क्वायर सिनेमा हलमा फिल्म युनिट दर्शकलाई भेट्न पुगेको थियो । सोही अवसरमा हलले केक काट्ने व्यवस्था गरिदियो र त्यसमा फिल्मको टोली पनि सामेल भयो ।

दर्शककको हातबाट काटिएको केकलाई सबैले खुसी मानेर चाखे । यस्तो एक दर्शक जसले यो फिल्म हेरेपछि विदेशमा रहेका छोरालाई घर बोलाए । बाउछोरा मिलेर फिल्म हेर्न पुगेका थिए । उनीहरूको हातबाटै केक काटिएको हो ।

मंगलबारदेखि केही दिनका लागी खल्ती एपबाट टिकट काट्ने दर्शकलाई ७५ रुपैयाँ छुट दिइएको छ ।

अर्जुन घिमिरे पाँडे निर्देशित यो फिल्ममा शाहसहित मदनकृष्ण श्रेष्ठ, महेश त्रिपाठी, केकी अधिकारी, अञ्जना बराइली, प्रवीण खतिवडा, बुद्धि तामाङ लगायतको अभिनय छ ।