‘आबाट आमा’ को मर्मस्पर्शी गीत ‘जाँदैछु नौ डाँडा काटेर’ रिलिज

News Summary

Generated by OK AI. Editorially reviewed.

फिल्म 'आ बाट आमा' को नयाँ गीत 'जाँदैछु नौ डाँडा काटेर' माघे संक्रान्तीको अवसरमा युट्युबमा रिलिज भएको छ।
गीतमा पल शाह, विपना थापा, प्रदीप रावत लगायत कलाकार फिचर्ड छन् र अभि सुनारले शब्द तथा संगीत भरेका छन्।
फिल्मको निर्देशन चन्द्र पन्तले गरेका छन् र १६ माघदेखि प्रदर्शन तयारीमा छ।

काठमाडौं । प्रदर्शन तयारीमा रहेको फिल्म ‘आ बाट आमा’को नयाँ गीत रिलिज भएको छ । माघे संक्रान्तीको अवसरमा बिहीबार युट्युबमा ‘जाँदैछु नौ डाँडा काटेर’ बोलको गीत रिलिज गरिएको हो ।

परदेशिन लागेको भावलाई गीतमा बुनिएको छ । गीतमा पल शाह, विपना थापा, प्रदीप रावत, साइग्रेस पोखरेल, उषा उप्रेती, सिम्रन पन्त फिचर्ड छन् । भावअनुसार, कलाकारलाई प्रस्तुत गरिएको छ ।

करण परियार र शान्तिश्री परियारको स्वरमा सजिएको मर्मस्पर्शी गीतमा अभि सुनारले शब्द तथा संगीत भरेका छन् । एरेन्ज विशाल निरौलाले गरेका हुन् ।

चन्द्र पन्तको निर्देशन रहेको फिल्मको कथा तथा पटकथालाई उनी स्वयले लेखेका हुन् । फिल्ममा कृष्णप्रसाद सुवेदी, ओमकार पन्त, प्रकाशजंग कुँवर, ध्रुवप्रसाद न्यौपाने र क्षितिज ढुंगानाको लगानी छ । करणसिंह रसाइली कार्यकारी निर्माता हुन् । १६ माघदेखि फिल्म प्रदर्शन तयारीमा छ ।