एमाले नेताको ज्यान जोखिममा छ : केपी ओली

News Summary

Generated by OK AI. Editorially reviewed.

नेकपा एमालेका अध्यक्ष केपी शर्मा ओलीले एमाले नेताको ज्यान जोखिममा रहेको बताएका छन्।
अध्यक्ष ओलीले भने, 'आज पनि ज्यान जोखिममा छ, मुद्दा लगाउँछु, भरे लगाउँछु भनिरहेकै छन्।'
उनले आगो लगाउनेदेखि सरकार अपदस्त गराउनेहरु गर्वका साथ हिँडिरहेको बताए र त्यागको भावना आवश्यक रहेको उल्लेख गर्नुभयो।

१ माघ, काठमाडौं । नेकपा एमालेका अध्यक्ष केपी शर्मा ओलीले एमाले नेताको ज्यान जोखिममा रहेको बताएका छन् ।

बिहीबार काठमाडौंमा आयोजित कार्यक्रममा बोल्दै अध्यक्ष ओलीले यस्तो बताएका हुन् ।

‘आज पनि ज्यान जोखिममा छ । अहिले मुद्दा लगाउँछु, भरे लगाउँछु भनिरहेकै छन् । खोजीखोजी घरमा आगो लगाइरहेकै छन् । अहिले सजिलो छ र ?,’ उनले भने, ‘एमाले भयो भने घरमा आगो लगाउँछु भनेका छैन, आगो लगाएका छन् । अहिले पनि सजिलो छैन ।’

उनले आगो लगाउनेदेखि सरकार अपदस्त गराउनेहरु गर्वका साथ हिँडिरहेको बताए ।

उनले हिजोजस्तै आज पनि नेतृत्वमा त्यागको भावना रहेको बताए । बिना त्याग संसार बदल्न नसकिने अध्यक्ष ओलीको भनाइ छ ।

‘हिजो पनि थियो, आज पनि त्यागको भावना छ । बिना त्याग संसार परिवर्तन हुँदैन । मेहनत, बलिदान, निष्ठा चाहिन्छ । आदर्श र उद्देश्यहरूप्रति हिजो पनि निष्ठा थियो, आज पनि छ ।’