‘द्रौपदी’ बन्यो न्यूयोर्कको फेस्टिभलमा उत्कृष्ट दक्षिण एसियाली फिल्म

News Summary

Generated by OK AI. Editorially reviewed.

नेपाली फिल्म 'द्रौपदी' ले अमेरिकाको न्यूयोर्कमा आयोजित 'द स्टोरी टेलर युनिभर्स फिल्म फेस्टिभल' मा उत्कृष्ट दक्षिण एसियाली चलचित्रको पुरस्कार प्राप्त गरेको छ।
निर्देशक ऋषिराज आचार्यले अवार्ड ग्रहण गरेका छन् र फिल्मले अहिलेसम्म ९ वटा अन्तर्राष्ट्रिय महोत्सवमा छनोट भएको छ।
फिल्मले कर्णालीको महिला हिंसा र न्यायको कथा प्रस्तुत गर्दै नेपाली कला संस्कृति र सुन्दर दृश्यहरू समेटेको छ।

काठमाडौं । नेपाली फिल्म ‘द्रौपदी’ ले अमेरिकाको न्यूयोर्कमा आयोजित ‘द स्टोरी टेलर युनिभर्स फिल्म फेस्टिभल’ मा उत्कृष्ट दक्षिण एसियाली चलचित्रको पुरस्कार प्राप्त गरेको छ ।

आरबी मूभिजको प्रस्तुतिमा ऋषिराज आचार्यको निर्देशन रहेको यो फिल्मले अन्य केही अन्तर्राष्ट्रिय फेस्टिभलमा समेत पुरस्कार प्राप्त गरेको छ । अमेरिका भ्रमणमा रहेका निर्देशक आचार्यले अवार्ड ग्रहण गरे ।

फिल्ममा आचार्यसहित रवि ओड, कविराज भाम, सीता पौडेल, सुवास ठडराई, सुजाता तिमल्सिनाको शीर्ष भूमिका छ । फिल्मले दुर्गम कर्णालीको महिला हिंसा र न्यायको बारेमा कथा पेश गर्छ ।

यसैवर्ष हलमा रिलिज भएको फिल्मले दर्शकबाट सकारात्मक समीक्षा समेत प्राप्त गरेको थियो । यो फिल्म अहिलेसम्म ९ वटा अन्तर्राष्ट्रिय महोत्सवमा छनोट भएको जानकारी निर्देशक आचार्यले दिए ।

यो फिल्म चर्चित रियालिटी शो ‘नेपाल आइडल’ का विजेता समेत रहेका ओडको डेब्यू कथानक हो । ओडसहित इन्द्रकला राईले पनि गीत गाएका छन् ।

नारी संवेदनशिलताको कथावस्तुमा आधारित फिल्ममा नेपाली कला संस्कृति झल्किने तथा कर्णालीका सुन्दर दृश्य समेटिएको छ । विदेशमा बस्ने नेपालीलाई यो फिल्म झनै मनपर्ने निर्देशक आचार्य बताउँछन् ।